Mika 3:8 - Wunta Mempori

⁸ Sine ongkue andio bukeako roso, saru Penaa-Do i Ue, saru moleoa ka moroso saru mosia, ka pauo ndi Yako salano ka ndi Isaraeli halano.

Mika 3:8 ပူးပေါင်းရင်းမြစ်များ

Ayubi 32:18

Hangano ongkue bukeako pau, roso anu kongko a ngkoroiku dumadai aku.

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yesaya 61:2

ka paleleo ta'u pompehohawa-Do i Ue ka oleo pombaloa-Do Ue Alato, ka tumarero ira mia anu mpo'inombo,

Yeremia 1:18

Ka Ongkue, menteeano a oleo andio Kuweweuko gagi kota mebente, gagi karu labu ka gagi rere mala umewaio luwuno wita andio, umewai ira mokoleno Yehuda ka luwuno mia pinemota'udo, umewai ira sando mpesombado ka palilino wita andio.

Yeremia 20:9

Tewala mompewowolo aku, ”Nahi kubehe mewowolo Ira ka nahi kubehe mbo'u mepau a nee-Do,” onaemo pu'uno i laro aroaku hinao asa kana api anu tensila, te'uko a laro wukuku. Kuperokuhiakono meteao, sine nahi kupolio.

Yeremia 6:11

Ongkue mbo'u bukeako pontekudaako-Do i Ue, mokendo akumo meteao. ”Uwuomo atuu a wawo nana'ote kodei a nsala, ka a wawo pepumpuado mangalitau mperonga-ronga. Mentee ntu'u, moiko tama maupo beine ta rinako, mia mota'u mbo'u ka anu tende ntinuwu.

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Yehesikieli 16:2

”Hei anano mia, pauakonomo Yerusale luwuno wineweuno anu mokoburu.

Yehesikieli 20:4

Behekoke bitara ira, hei anano mia, behekoke bitara ira? Pauako iramo luwuno wineweudo uempu'udo anu mokoburu.

Yehesikieli 22:2

”Hei omue, anano mia, behekoke dumontaio, humbee, dumontaio pohuku a ngkota anu buke pasua rea? Pauakonomo luwuno wineweuno anu mokoburu.

Yehesikieli 23:36

Ka Do'amba i Ue mepau ndi ongkue, ”Hei anano mia, Behekoke bitara ira i Ohola ka i Oholiba ka pauako ira luwuno wineweudo anu mokoburu?

Yehesikieli 3:14

Penaa-Do i Ue tumande aku ka wawa aku. Ongkue lumako saru aroa nahi sanaa ka mokula aroa, hangano kae-Do i Ue moroso dumadai aku.

Yehesikieli 43:10

Omue, hei anano mia, pauako iramo suku Isaraeli mongkona Raha Mempori andio, ka domegagi memokoko'ii a luwuno salado, ka mongkona tadeno ka posongkano.

I MATIU 7:29

hangano Dopaguru ira kana mia anu pabawa, nahi kana anu mponto'ori Taurado.

I MARAKUSU 3:17

I Yakobu anano i Sebedeu, ka i Yohane pepaekompono i Yakobu, anu oruano Doneeako ira i Boaneregesi, anu pengkonaano anano rundu,

1 KORINTI 2:4

Moiko pinauku maupo pompaleleku komba kupohaweakono pau ponto'ori anu ta pine'ala-ala, sine saru pompe'ala-ala a roso-Do Penaa,