Mika 3:7 - Wunta Mempori

⁷ Luwuno puu mpongkita ira memongkoko'ii ka luwuno mia mpompau anu nahi manasa ta gagi ira mpohawe tataado; luwudo ira metompoo ngangado, hangano nahina sangkino inso ndi Ondae Ue Ala.

Mika 3:7 ပူးပေါင်းရင်းမြစ်များ

Po'unde-unde 74:9

Luwuno petondoni ndi omami nahi kimengkitao, nami hina mbo'u nabi, ka nahina i olomami anu tumo'orio hawe te'opia tempono.

Peluarakoa 9:11

Mia mpoto'ori atuu nahi domempolio me'aropio i Musa, hangano ondae i alu ira koa mbo'u mengkokamba kana luwudo to Masiri.

Yesaya 44:25

Ongkuemo anu umoninio luwuno tondonino anu mpompau manasa nahi ta gagi ka memae-maeako ira mia hadio tino'orido; anu weweu ira mia pande mposongka nahi gagi, ka woliteo ponto'orido gagi benge-bengea;

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yehesikieli 24:17

Pompemasusamo penoro-noro, si poweweu ponsabangi matea. Wutuomo ramba-ramba ulumu ka pakeomo empehi karumu, si tutuwio i totono rupamu, ka si pongkaa roti po'inombo.”

Yehesikieli 24:22

Komiu meweweuo kana anu wineweuku: I totono rupamiu nahi komiu mentutuwio ka roti po'inombo nahi komiu mpongkaa;

Imama 13:45

Mia anu mohawe haki ngkuli anu mesaki asalakono mompokona sangka teberi-beri, wuuno nahi te'atora ka onae mbo'u asalakono tumutuwio i totono rupano kai peboo-booli: mokoburu, mokoburu!

Amosi 8:11

”Menteeano, tempono ta hawe,” kanandiomo pau-Do Ue Ala, ”Aku montena mokoninggoa a wita andio, komba mokoninggoako kaanga ka komba mokorangaako uwoi, sine a mporongea pau-Do i Ue.

Mika 3:4

Ondae te'ipua ira mpeboo-booli ndi Ondae i Ue, sine nahi Ira sumangki; Ira wunio rupa-Do ndi ondae i tempo atuu, hangano luwuno mosa'oa anu wineweudo.

Mika 7:16

Po'ineeomo luwuno tongku mengkitao mongkona atuu ka gagi mongkoko'iiako luwuno mosiado. Po'ineeomo dometompoakono kae ngangado, ka birido gagi mobongo.

Sakaria 13:4

I tempo atuu luwuno nabi andio singge mia ta mo'o'anu hangano pongkitano tempono ipompau anu ta gagi, ka nahina mbo'u inso i olodo anu mompokona lemba meloe mewulu ta megaupi;

1 Samueli 14:37

I Saulu mo'ema pontiso-Do Ue Ala, ipotae, ”Tewala ipeweengako ira to Pelisiti a ngkaedo to Isaraeli, ba Ipemoikoo aku lumulu ira wongi andio.” Sine i oleo atuu nahi Dosangkio i Saulu.

1 Samueli 28:15

Umarino atuu, motaeomo i Semueli ndi Saulu, ”Tembio kau sosanggolo aku ka moboi aku?” Motae i Saulu, ”Tedoa akumo tepakada. To Pelisiti mpe'iwalaiakune, ka Ondae Ue Ala Dobinta akumo. Nami Dosangki aku mbo'u, moiko molalo a nabi, ke a mo'ipi. Onaemo pu'uno ka kupoboi komiu, kai pauakune hapa anu ta wineweuku.”

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.

1 Samueli 9:9

I ndi'ipua i Isaraeli tewala mia lumako ta mo'ema pontiso-Do Ue Ala, dompotae kanandio, ”Aiwa ka tomelako a puu mpongkita.” Anu tempo kanandio nineeako nabi.