Mika 3:11 - Wunta Mempori

¹¹ Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 3:11 ပူးပေါင်းရင်းမြစ်များ

Powadi 17:23

Mia mosa'o gauno menoro-noro montarima pompowee nahi pototono ka ipelengkuakono pesalaano songka.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 48:2

Mia anu tendeano mempauo koroido te'inso a Ngkota Mempori, ka mpehonda ndi Ondae Ue Ala Isaraeli, anu nee-Do Ueno luwuakoano,

Yesaya 5:23

anu mokomenteeo mia mosa'o gauno hangano pompowee nahi pototono ka anu humapuo tiano mia mentee.

Yesaya 56:11

dahu memodoko mpongkaa, anu nahi domponto'ori mowohi! Ondae atuu puu pompakambi, anu nahina tino'orido! Luwudo mpo'ala salado ondaedo, singge mia molulu untu, nahina pinesusua.

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 26:7

Luwuno sando mpesomba, luwuno nabi ka luwuno palili merongeo i Yeremia mohaweo luwuno pau atuu a Raha-Do i Ue.

Yeremia 5:12

Domehapu Ira i Ue ka mpotae, ”Nahi Dopoweweu hapa-hapa! Nahi ta umalu kita masolaa, peteaa ka mokoninggoa nahi kita mpembasaio.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yeremia 7:4

Si mpe'ala-alao luwuno pau mpegaupi andio: ndio raha-Do i Ue, raha-Do i Ue, raha-Do i Ue!

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

Yehesikieli 34:2

”Hei anano mia, pauomo anu ta gagi umewai ira puu mpopakambido to Isaraeli, pauomo anu ta gagi ka potaemo ndi ondae, a luwuno puu mpopakambi atuu: Kanandiomo pau-Do Ue Ala: Masola iramo puu mpopakabido to Isaraeli, anu pakambio koroino onaeno! Kombake luwuno bimba anu asalakono domempakambi ira puu mpopakambi atuu?

Hosea 4:18

Mansado memolangu, mpepotende ira mpebelesu; domengkekewoio pontataa sekonopo mohawe pompelangkai.

Hosea 4:8

Ondae mpongkaa inso a halado bawaa-Ku, po'eheno aroado te'aro a mpe'ewado bawaa-Ku.

Amosi 5:14

Ungkeomo anu moiko ka osi'i anu mosa'o, ka imentuwu. Bakanandio Ondae i Ue, Ue Alano luwuakoano, Ira kumongkomi komiu, kana anu pinaumiu.

Amosi 9:10

Hangano ponai, ira memate luwuno mia tehala i olono bawaa-Ku anu mpotae: Nahi Komiu mo'ineeo masolaa umpeda ka humawe kami.”

Mika 3:5

Kanandiomo pau-Do i Ue a luwuno nabi, anu mokopansia ira tongkuku. Tewala hinao anu nginaino ngisido, ondae mpebooliako sintuwu. A mia anu nahi posimpuakono a ngangado, dome'oluakono mpetea.

Mika 7:3

Kaedo pande ntu'u mpoweweu mosa'o; petewawa motuntu tambo, puu mpobitara montarima pompowee nahi pototo; Anu langkai potorono mompowee pomputusi po'eheno aroano, ka luwuno domemposuleo!

Sepanya 3:3

Mia pinemota'udo i ra'ai onaemo singa anu mengaoli; luwuno puu mpobitarano onaemo serigala wongi anu nahi pobinta maupo hapa hawe mo'oru.

Sepanya 3:4

Luwuno nabino onaemo pompokomarisu ka mpo'ewai pedandia; luwuno sando mpesombano mokoburutio hapa anu mempori, pe'uru-uruo songka Taura.

Maleaki 1:10

Ande-andeno hinao i olomiu anu tondoo pewowa ranta omiu nahi mpopolanga api a meda pontunua pesomba ndi Ongkue nahina pengkonaano. Nahi Aku tumarima komiu, pau-Do Ueno luwuakoano, ka nahi Aku mbo'u behe tumarimao pesomba inso a ngkaemiu.

Maleaki 2:9

Ka Ongkue mbo'u weweukomiu tinetewehi ka pine'uru-uru i arodo bawaa andio, hangano omiu nahi mentondao sala-Ku, sine mpobiniki komiu a mpopagurumiu.

Podoaa 16:15

I Musa tekudaomo ntu'u ka ipepau ndi Ondae i Ue, ”Siimo Iperioo pesombado. Napi kuhori mo'ala maupo te'asa kalide inso ndi ondae, ka napi kuhori moweweu anu mosa'o maupo ia asa mia inso i olodo.”

Podoaa 22:7

Mpelungka iramo mia memota'u i Moabi ka mia memota'u i Midia saru mpowawa pontambo mia mponto'ori. Mansado mehawe ndi Bilea, dompohaweakono pe'oliwino i Bala.

I MATIU 3:9

Ka si mpotae, nine komiu mpokompotae ilaro aroamiu: i Burahima ama mami! Hangano kupauakomiu: Ondae Ue Ala polio mokogagio anano i Burahima inso a watu andiodo!

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

TITU 1:11

Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

1 Samueli 8:3

Sine orua ira anano atuu nahi dotondao peleluno amado. Montarima ira pompowee anu nahi moleo ka dowoliliki ira kara-kara, anu sala pinokomentee ka anu mentee pinokonsala.