Mika 2:7 - Wunta Mempori

⁷ Moiko ke mongkona atuu ipinau, hei inuleno i Yako? Nde nahi sompo ke sabara-Do i Ue? Kanatuu ke wineweu-Do? Kombake pauku moiko a mia anu tuwu moleo?

Mika 2:7 ပူးပေါင်းရင်းမြစ်များ

Po'unde-unde 119:65

Moweweu Komiumo moiko a ntetenaa-Miu, menunu saru pau-Miu, oo Ue.

Po'unde-unde 119:68

Omiu moiko ka moweweu moiko; Ipaguruakunemo luwuno pompakosi-Miu.

Po'unde-unde 15:2

Onaemo anu melelu nahina tataano, anu weweuo hapa anu moleo ka anu pauo menteea a tompaano aroano,

Po'unde-unde 18:26

A mia anu mpetenunu Omiu metenunu, a mia anu nahina tataano Omiu nahina tataano,

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Powadi 10:29

Pesalaa-Do i Ue onaemo pekaduduido mia moleo, sine mateano mia anu moweweu mosa'o.

Powadi 10:9

Isema morina peleluno, moiko pelempano, sine isema melengku-lengkuako pesalaano, ta tino'ori.

Powadi 14:2

Isema anu moleo pelempano, doitoako Ira i Ue, sine mia anu tesaa pesalaano mokongkodei Ira.

Powadi 2:7

Ondae mompatinda pontimbanga tiano mia anu moleo, gagi kantano mia anu tuwuno nahina tataano,

Powadi 28:18

Isema tuwu nahina tataano ta kinadudui, sine isema melengku-lengkuako pesalaano ta tedonta a laro aa.

Yesaya 50:2

Tembio tempono Ku'aiwa nahina mia, ka tempono Kupepoboi nahina anu sumangki? Nde owowalahike kae-Ku mongkadudui ke nahinake roso-Ku mompotola? Menteeano, butu pau tekuda-Ku Kupokotu'io tahi, luwuno korono Kuweweuo gagi pada one; luwuno bou manaboo hangano nahina uwoi ka memate mokoranga.

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

Yeremia 2:4

Rongeomo pau-Do i Ue, hei inuleno i Yako, hei luwuno pe'etu inuledo to Isaraeli.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Mika 3:9

Rongeomo andio, hei luwuno mia pinemota'u sukuno i Yako, ka luwuno petewawado suku Isaraeli! Hei omiu anu mokokowuereakono moleoa ka anu mokomolengkuo luwuno anu moleo,

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Podoaa 11:23

Sine sangki-Do i Ue ndi Musa, ”Nde kae-Do i Ue tetidahi? Kanandio-andio kokumitao ke gagio pau-Ku ndi omueke naahi!”

I MATIU 3:8

Gaagi impoluarakomo wua anu menunu saru tepidia.

I YOHANE 8:39

Domesangki Ira, ”Amamami onaemo i Burahima.” Motae Ira i Yesu ndi ondae, ”Bakanaano omiu anano i Burahima, asalakono komiu meweweuo anu wineweuno i Burahima.

ROMA 7:13

Tewala kanandio, nde anu moiko atuu gagi matea ndi ongkue? Mentee ntu'u naahi! Sine ka imengkaa, nine onaemo hala, onaemo ka ipakeo hala anu moiko mowawaakune matea, ka ilalu mengkaa mbo'u teweweuno hala hangano parenta atuu.

2 KORINTI 6:12

Ka omiu hinao po'ianga anu malua i laro aroamami, sine ndi omami butu tepatinda po'ianga anu ma'iso i laro aroamiu.

2 TIMOTIU 3:5

Montonda koroi domeweweuo pesombado, sine a menteeano domehapuo rosono. Olaiako iramo atuu!