Mika 2:6 - Wunta Mempori

⁶ ”Siimpopau anu ta gagi” dompotae, ”Nahi dompopau anu ta gagi kanatuu! Mo'o'anua nahi ta umalu kita.”

Mika 2:6 ပူးပေါင်းရင်းမြစ်များ

Po'unde-unde 74:9

Luwuno petondoni ndi omami nahi kimengkitao, nami hina mbo'u nabi, ka nahina i olomami anu tumo'orio hawe te'opia tempono.

Yesaya 29:10

Hangano Doweweu komiumo i Ue ka impoturi rodo; matamiu, onaemo luwuno nabi, Dopokompepusu iramo ka rupamiu, onaemo luwuno puu pongkita, Doborungi iramo.

Yesaya 30:10

anu motaeako ira puu pomparesa, ”Sii mpomparesa,” ka a puu pongkita, ”Siimo impokitaakami mongkona anu mentee, sine impopaumo anu nahi mentudu ndi omami, kitaakamimo mongkona anu komba mentee,

Yehesikieli 20:46

”Hei anano mia, po'aroomo rupamu i selata ka pohaweomo pekuahako i wita selata, ka pauomo anu ta gagi a ntobu i wita selata.

Yehesikieli 21:2

”Hei anano mia, po'aroomo rupamu i Yerusale ka pohaweomo pekuahako a mpo'ianga memporino ka pauomo anu ta gagi umewaio wita Isaraeli.

Yehesikieli 3:26

Aku weweuo elomu metako a langiramu, ranta ka ugagi beebe ka nahi upokokuahako ira, hangano ondae atuu suku anu mpe'ewa.

Amosi 2:12

”Sine omiu mpoweeako ira mia anu meweengakono tumuwuno ndi Ondae mpo'inu anggoro ka parenta ira nabi: Si mpopau anu ta gagi!

Amosi 7:13

Sine siimo mbo'u pompau anu ta gagi i Beteli, hangano onaemo andio po'ianga memporido mokole, onaemo andio raha memporino poparentaa.”

Amosi 7:16

Kanandio-andio, rongeomo pau-Do i Ue! Omue motae, ’Siimo pompau anu ta gagi umewaio Isaraeli, ka si kuahako ira inuleno i Saki.’

Mika 3:6

Onaemo pu'uno luwuno ta gagi wongi ndi omue nahina tengkita, ka gagi wongi-wongi ndi omue mompau anu nahi manasa ta gagi, mata oleo ta sumooako ira nabi atuu, ka oleo gagi worikidi ndi ondae.

Mika 6:16

Omue metakokomo a luwuno pompakosino i Omiri ka a luwuno wineweuno somborino i Ahabi. Omue moweweukomo montonda tinoodo, ranta Kuweweuko gagi londa ka palilimu gagi pontiiano pomansu; kanandiomo komiu mentembio pontatado bawaa-Ku.”

WINEWEUDO TINENA 4:17

Sine ka si kotele-teleleno mongkona atuu i olodo mia hadio, laluopo tompokodoito ira ka umonto ira, ka si dopepau mbo'u maupo saru isema a nee atuu.”

WINEWEUDO TINENA 5:28

ipotae, ”Kime'onto komiu ntu'u mompaguru a Nee atuu. Sine mengkaa, Yerusale ibuketiakonomo pompagurumiu ka komiu mingki moposuruakami reano Mia atuu.”

WINEWEUDO TINENA 5:40

Dompoboi ira tinena atuudo, ka do'amba mensepi ira ka dome'onto ira mpompaguru a nee-Do i Yesu. Umarino atuu dompotola ira.

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.