Mika 2:3 - Wunta Mempori

³ Onaemo pu'uno kanandiomo pau-Do i Ue: menteeano, Aku mosongka masolaa a nsuku andio, ka nahi komiu mpokoliahakono we'umiu inso a mpasanga atuu. Nahi komiu mpokompelempa mbo'u mpompelangka-langkai, hangano tempo atuu onaemo tempo anu mosa'o.

Mika 2:3 ပူးပေါင်းရင်းမြစ်များ

Yesaya 29:20

Hangano mia lambaha ntu'u ta menaa-naa ka puu mpopasinggiri ta pingko, ka luwuno mia anu magasi mpoweweu mosa'o ira mempinokotampula,

Yesaya 3:16

Ondae i Ue mepau: Beine Sioni gagi iramo mpompelangka-langkai ka mpelempa saru we'u anu pinokomoleo saru mpemae mata, ondae mpelempa mpepe'unde ka uni kekele a ngkarudo.

Yesaya 5:19

anu mpotae, ”Moikoomo Ondae Ue Ala ka Doronga mokogagio wineweu-Do, ka tomengkitao; moikoomo tinoo-Do Anu Tedoa mempori, Ue Alado to Isaraeli, ka i'umpedamo ka imengkaa, ka tomento'orio.”

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 27:12

Ndi Sedekia, mokoledo to Yehuda, kupohaweomo pau mengkena, ”Naaomo banga we'umu a ntoto pasangano mokole i Babeli. Petuundumo ndi onae ka a mpalilino, asalakono komiu mentuwu.

Yeremia 34:17

Onaemo pu'uno kanandiomo pau-Do i Ue: Omiu nahi meronge Aku nine sompo mia asalakono mopoto'orio pompotolaa a mpe'asa miano ka a mpepaekompono. Onaemo pu'uno, Ongkue mopoto'oriakomiu pompotolaa, kanandiomo pau-Do i Ue, ka ipineweengako a mponai, haki lele ka mokoninggoa. Aku weweu komiu gagi mongkokongiriado luwuno poparentaa i tolino.

Yeremia 36:23

Sompo umari ibasao i Yehudi otolu opaa oloti, i mokole beri-beriakono piso porooni, ka i'amba metadiakono a laro pompotuwua api atuu, ranta luwuno wunta pinalulu atuu pingko mo'ai a pompotuwua api atuu.

Yeremia 43:2

motaeomo i Asaria anano i Hosaia ka i Yohanani anano i Kareahi saru luwuno mia mpompelangka-langkai atuu ndi Yeremia, ”Omue megaupi! Ondae i Ue, Ue Alato nahi Dotenako ka upauo, ’Si melako i Masiri ka impo'ia gagi mia hawe i ra'ai.’

Yeremia 8:3

Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Ponsabangi 1:14

Luwuno salaku hinowu gagi pasanga, wineweuno kae-Do i Ue, ninaa a wawo banga we'uku, ranta ka imolema koroiku; ongkue Dopeweengakonomo i Ue a ngkaedo mia, anu nahi kupoko'ewaio.

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 5:5

Omami melinulu tepo'umpeda, memokendo kami, omami nahina penaa-naa.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Amosi 2:14

Anu magasi nami ta mokompolai mbo'u, anu moroso nami mentudu rosono, ka anu moroso ntu'u ka mosia nahi pokompetolahako.

Amosi 3:1

Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Amosi 5:13

Onaemo pu'uno mia anu moleo pinewowolono ta mo'ia i tempo atuu, hangano tempo atuu tempo anu mosa'o.

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

ROMA 16:4

Dopeta'oakonomo penaado tiano tuwuku. Ndi ondae komba butu ongkue anu montarima kasi, sine luwuno mbo'u bawaa komba to Yahudi.

EPESU 5:16

ka imempakeomo tempo anu hina, hangano luwuno oleo andio mosa'o.

Winali 28:48

Hangano atuu, komiu mpe'atao koroimiu a iwali anu ta inoliwi-Do i Ue umewai komiu, ka komiu memokoninggo ka mokoranga, saru kolambe-lambe ka makuraako luwuakoano. Ira mempopotembiakomiu pasanga labu a banga we'umiu, ranta ka Doropu komiu.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.