Mika 2:13 - Wunta Mempori

¹³ Mia mperumpa ta lumako i arodo; ira mperumpa ka mpelempa melaloo pewowa langkai ka mpeluarako inso i tu'ai. Mokoledo ta melempa mpiha i arodo, Ondae i Ue petewawano baresido!

Mika 2:13 ပူးပေါင်းရင်းမြစ်များ

Peluarakoa 14:19

Umarino atuu, mala'eka-Do Ue Ala anu se'eluno melempa i arodo sorodadu Isaraeli, melimba melempa i bungkudo. Tondonino a nseru melimba inso arodo ka mentade i bungkudo.

Yesaya 42:7

ka mowile mata anu morawu, ka moluarako mia hinuku inso a ntorungku ka luwuno mia anu mpentoro a wongi-wongiano inso a raha po'ukoa.

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yesaya 52:12

Mentee ntu'u, nahi komiu memadara mpeluarako ka melako mpolai hangano Ondae i Ue Ira melempa i aromiu, ka Ondae Ue Alado to Isaraeli Ira gagi pokotompaano baresimiu.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Hosea 1:11

To Yehuda ka to Isaraeli ira ntepumpu mperonga ka pompotoro asa petewawado. Ira mpetorokio wita andio. Mentee ntu'u, tedoa langkai oleo Yisire'eli atuu!

Hosea 13:14

Nde Aku motola ira ke inso a mpabawano tolinodo mia mate? Nde Aku tumolosi irake inso a matea? Isuaomoke haki lelemu, hei matea, isuaomoke poropumu, hei tolinodo mia mate? Mata-Ku tetutuwi tiano pompehohawa.

Hosea 2:2

kasi mansa Kulohuo sangkano ranta kai kolambe-lambe, ka mo'ineeo kana a oleo ipine'anaako, weweuo kana pada one, weweuo kana wita mokari, ka mo'ineeo kai mate mokoranga.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 3:1

Umarino atuu kupotae, ”Imerongeomo, hei luwuno mia pinemota'uno i Yako, ka luwuno petewawa suku Isaraeli! Kombake tekona imento'orio moleoa,

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Sakaria 10:12

Aku mokomoroso ira ndi Ondae i Ue, ka ira mentuwu a laro nee-Do,” kanandiomo pau-Do i Ue.

IBARANI 6:20

i tu'aimo Dopewinso i Yesu gagi Pese'eluto, tempono Dogagi Sando Mpesomba Langkai ranta nahina tampulaano, montonda atorano i Melekisede.

Yosua 3:6

Ka ia luwudo sando mpesomba ipotae i Yosua kanandio, ”Imentandeomo burua pedandia impesakiakomo i arodo tongku atuu.” Domentandeomo burua pedandia ka dompelempa i arodo tongku atuu.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”