Mika 2:12 - Wunta Mempori

¹² Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 2:12 ပူးပေါင်းရင်းမြစ်များ

Tegagia 36:33

Mansano mate i Bela, i Yobabi anano i Serahi inso i Bosora gagi mokole umeuo.

1 Tawarika 1:44

Mansano mate i Bela, i Yobabi anano i Serahi inso i Bosora gagi mokole umeuo.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 34:6

Ondae i Ue hinao asa ponai-Do anu meremuako rea ka tewaluleako taba: reado ana bimba ka bembe lakino saru tabano wua horido bimba lakino. Hangano Ondae i Ue moweweu ponsumbelea pesomba i Bosora ka ponsumbelea langkai i wita Edomi.

Yesaya 5:17

Bimba ira mpongkaa ewo i ra'ai kana a mpada po'iangado, anano bembe ira mpo'ungke mpongkaa a nterongkano rahano mia kaea.

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 3:18

I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.

Yehesikieli 34:11

Hangano kanandiomo pau-Do Ue Ala: Menteeano Ongkue isa'a merio ira bimba-Ku ka umungke ira.

Yehesikieli 34:13

Aku wawa ira mpeluarako inso a luwuno tongku ka pumpu ira inso i luwuno wita ka wawa ira i witado. Aku pakambi ira a wawo luwuno torukuno i Isaraeli, a luwuno bangano korono ka a luwuno po'iangado mia i wita atuu.

Yehesikieli 34:22

ka Kukadudui ira bimba-Ku, ka si domegagi mbo'u kaangado ka Aku gagi puu mpobitara i olodo bimba ka bimba.

Yehesikieli 34:31

Omiumo luwuno bimba-Ku, bimba pakambia-Ku, ka Ongkuemo Ue Alamiu, kanandiomo pau-Do Ue Ala.”

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Yehesikieli 37:21

pauomo ndi ondae: Kanandiomo pau-Do Ue Ala: Mentee ntu'u, Aku umala ira to Isaraeli inso i olodo luwuno tongku ba isua domelako. Aku pumpu ira inso a luwuno siuno ka wawa ira i witado.

Hosea 1:11

To Yehuda ka to Isaraeli ira ntepumpu mperonga ka pompotoro asa petewawado. Ira mpetorokio wita andio. Mentee ntu'u, tedoa langkai oleo Yisire'eli atuu!

Amosi 1:12

Aku mompotola api a laro Temani, ka benteno i Bosora mo'ai luwu.”

Mika 2:13

Mia mperumpa ta lumako i arodo; ira mperumpa ka mpelempa melaloo pewowa langkai ka mpeluarako inso i tu'ai. Mokoledo ta melempa mpiha i arodo, Ondae i Ue petewawano baresido!

Mika 4:8

Omue mbo'u, hei Menara Pebawaano Bimba, hei Pongku Ana Beine Sioni, ndi omuemo ta hawe ka ta mekule poparentaa anu i ndi'ipua, poparentaa a Ana Beine Yerusale.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 7:14

Bawaa-Miu Ipakambiako iramo tuko-Miu, bawaano bimba lano Omiu ueno, anu mo'ia asa-asano a laro ntobu i tonga-tongano lere wua ngkeu. Po'ineeomo domengkaano ewo i Basani ka i Gileadi kana i tempono ndi'ipua.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Sepanya 3:20

Ia tempo atuu Aku wawa komiu mpekule, ia tempo atuu Aku pumpu komiu, hangano Aku weweo neemiu gagi telele ka inunde-unde i olodo luwuno tongku i tolino saru wali mokomoikoo teweweumiu i arono matado,” pau-Do i Ue.