Mika 2:1 - Wunta Mempori

¹ Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

Mika 2:1 ပူးပေါင်းရင်းမြစ်များ

Tegagia 31:29

Ongkue pabawa moweweu mosa'o ndi omue, sine hieno wongi Ondae Ue Alano amamu mepau ndi ongkue, ’Petangkoro, omue si mansa pepau mondeeno ndi Yako!’

1 Mokole 21:7

Motae i Isebeli, kombiano, ndi onae, ”Nde komba omiu kandio-andio anu pabawa gagi mokoledo to Isaraeli? Ipewangumo, ipongkaamo, ka temawongko aroamiu! Ongkue anu ta weeakomiu lereno anggorono i Nabo, to Yisire'eli atuu.”

Esetere 3:8

Onaemo ka ipepau i Hamani ndi ondae mokole Ahasiwero, ”Hinao aasa tongku anu tuwu ntetia-tia ka tensia i olodo luwuno tongku i larono luwuno wita poparentaamiu ueku, ka songkado nahi mpengkena saru songkado luwuno tongku ka songkamiu mokole nahi domentondao, onaemo pu'uno nahi penunu omiu mokole mo'inee ira mpoweweu po'ehedo.

Esetere 5:14

Ka i'amba motae i Seresi, kombiano, ka luwuno sambe'eno, ”Pontenamo mia moweweu keu pinontade anu mantandeno lima pulu hiku, ka pesombaakonomo tisomo mo'oru ndi ondae mokole, ka domesonsoo mia i Modekai a ngkeu pinontade atuu. Umarino atuu tamo mawongko aroamu lumako meronga saru ondae mokole a mpelimbua atuu.” Pohawedo atuu ipemoikoo i Hamani, ka i'amba metena moweweu keu pinontade atuu.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Ayubi 15:35

Ondae mentiaako masusaa ka mpe'anaako wineweu mosa'o, ka aroado mpompewowolo pompopo'oo.”

Ayubi 24:14

Umpeda meene puu mpompepate mewangu, mepateo mia marasai ka mongkokolaro, ka i tempono wongi onae moweweu kana puu mponako.

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 36:5

Mosa'oa isongkao a mpoturiano, onae montonda sala anu nahi moiko; hapa anu mosa'o itarimao.

Po'unde-unde 58:3

Tendeano mpoweweu komiu mosa'o i laro aroamiu, kaemiu mompatinda sala mpoweweu pompokonsiia i tolino.

Powadi 12:2

Mia moiko Dopemoikoo i Ue, sine anu mompopo'oo Dohukuo.

Powadi 14:22

Nahi tesaake mia anu mosongka wineweu mosa'o? Sine anu mosongka mongkona anu moiko mohawe pompehohawa ka petenunu.

Powadi 3:27

Si ontoo moikoado mia anu tekona domentarimao, kahinaano upolio weweuo.

Powadi 4:16

Hangano nahi dompokompoturi, tewala nahi dompoweweu anu mosa'o; tampula mongkokoturido, tewala nahi domeweweuo mia tetidu;

Yesaya 29:20

Hangano mia lambaha ntu'u ta menaa-naa ka puu mpopasinggiri ta pingko, ka luwuno mia anu magasi mpoweweu mosa'o ira mempinokotampula,

Yesaya 3:14

Ondae i Ue mentade gagi puu mpobitara a mia memota'u ka luwuno petewawa bawaa-Do, ”Omiumo anu mengkaano ka ipingko lere anggoro atuu, parewa merinontu inso a mia tepokonsii tehowu a laro rahamiu.

Yesaya 32:7

Pompopo'oodo anu mpopopo'oo mosa'o ntu'u, luwuno tinoono mokoburu ta sumolangiakono ira pau mpegaupi mia marasai, maupo mia mongkokolaro tumeahakono tiano.

Yesaya 5:8

Masola ntu'u mia anu mansa mompewinsoki raha melimba a raha susua ka moronto lere melimba a lere susua, ranta nahina mbo'u po'iangado mia susua. Imeweweuo butu koroimiu anu mpo'iangario wita atuu.

Yesaya 59:3

Hangano kaemiu tesosa'aiako rea ka wunga ngkaemiu hangano wineweu mosa'o; elomiu mompau pegaupi, ngangamiu mpomuti-muti bukeako pau molengku.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yehesikieli 11:2

Pau-Do ndi ongkue, ”Hei anano mia, ondaemo andio mia anu mpontoo mosa'oa ka mporawo patudu mosa'o i kota andio,

Yehesikieli 33:26

Omiu mperorohio ponaimiu ka meweweu ira anu mokoburu. Sompo mia sumosa'aio kombiano pe'asa miano. Nde komiu mpe'ueo mpihake wita andio?

Yehesikieli 38:10

Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.

Yehesikieli 46:18

Mokole nahi moiko ipo'ala maupo hapa inso a ntia pusakado palili, ranta ka donteliahako inso a ntiado. Butu inso a ntiano moiko ipe'ueako ira anano ka si hina maupo te'asa mia inso a bawaa-Ku tesaari inso a ntiano.”

Mika 6:12

Luwuno mia mompoli i kota atuu mpoweweu hadio pobobarasaia, palilino mpegaupi ka elo a laro ngangado bukeako pompopo'oo.

Nahumi 1:11

Kombake inso ndi omue me'umbaako mia anu montoo mosa'oa umewai Ira i Ue, mia anu mompatudu lambaha?

Sakaria 7:10

Sii popokonsii tuwu beine ka nana'ote nahina amano, mia hawe ka mia mongkokolaro, ka si hina tinoo mosa'o i laro aroamu a mpe'asa miamu!”

I MARAKUSU 15:1

Mo'o-mo'oru ntu'u luwuno petewawado sando mpesomba saru mia memota'u ka anu mponto'ori Taura ka luwuno Puu Mpobitara Agama domempakosiomo. Domempongu Ira i Yesu ka do'amba mewawa Ira ka mpeweengako Ira ndi Pilatu.

I LUKASI 20:19

Ka do'amba anu mponto'ori Taura ka petewawado sando mpesomba mpo'ungke sala rumako Ira i tempo koa mbo'u atuu, hangano domento'orio, nine ondaemo anu tinoo-Do a mpotundaano atuu, sine domedoitoako ira mia hadio.

I YOHANE 19:11

Sumangki Ira i Yesu, ”Nahina maupo hapa pabawamiu ndi Ongkue, tewala pabawa atuu nahi iwineeako inso i wawono. Onaemo pu'uno: onae anu meweenga-Kune ndi omiu, langkaiopo halano.”

WINEWEUDO TINENA 23:12

Ka mansano meene to Yahudi mpoweweu tepo'asaa mpewuni-wuni ka mpesumpa saru mentotonaao koroido, nine nahi ira mpongkaa ke mpo'inu, ba napi dompepateo i Paulu.

WINEWEUDO TINENA 23:15

Onaemo pu'uno ka imperonga-ronga saru Puu Mpobitara Agama me'emao a mpetewawado sorodadu, ka iwawao mbo'u i Paulu me'aro ndi omiu, kana komiu memparesao tementee kara-karano, ka kontongaano atuu mpepatinda kamimo mpepateo napi hawe ndi omiu.”

ROMA 1:30

Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,

Winali 28:32

Luwuno anamiu tama ka beine ta pineweengako a tongku susua, tekonai komiu mengkitaakono matamiu. Sompo oleo imengkekewoi ira, ka nahi mempolio mpoweweu hapa-hapa.