Mika 1:5 - Wunta Mempori

⁵ Luwuno andio gagi hangano pe'ewano i Yako, ka hangano halado to Isaraeli. Hapa pe'ewano i Yako atuu? Kombake atuu Samaria? Hapa halado to Yehuda? Kombake atuu Yerusale?

Mika 1:5 ပူးပေါင်းရင်းမြစ်များ

1 Mokole 11:7

I tempo atuu, i Salomo mowangu pongku wita pesombaa ndi Kamosi, mokoburua anu pinesombaido to Moabi, i torukuno i sabaano oleo i Yerusale ka ndi Moloki, mokoburua anu pinesombaido inuleno i Amoni.

1 Mokole 13:32

Hangano pau anu ipebooliakonomo a mperenta-Do i Ue mongkona meda pontunua pesomba anu i Beteli atuu ka a luwuno raha mpelahumoaa i pongku wita pesombaa a luwuno kota Samaria manasa ta gagi.”

1 Mokole 16:24

Ka i'amba umolio torukuno Samaria inso ndi Semeri orua talenta salaka. Iwanguo kota i torukuno atuu ka ineeakono Samaria, montonda neeno i Semeri, ueno torukuno atuu.

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

2 Tawarika 34:4

Luwuno meda pontunua pesombado Baala ipobangkuo i arono, umarino atuu iperawo-rawo ira pontunua dupa anu kongko i wawono. Ipuro-puroo ka ipokoropuo luwuno karuno lahumoa, luwuno tinaha pina'o ka tinaha tinawa, ka i'amba merawoakono a wawo ngkaburudo mia anu mpopesombaako pesomba a luwuno lahumoa atuu.

Yesaya 7:9

Ka kota poparentaado to Eparai onaemo Samaria, petewawano Samaria onaemo anano i Remalia. Tewala nahi moroso pompe'ala-alamiu, mentee ntu'u nahi komiu merodo.”

Yeremia 2:17

Komba omuemuke anu mokohinao andio a ngkoroimu, hangano ubinta Ira Ue Alamu, tempono Dotaateko a nsala?

Yeremia 2:19

Pelelumu anu mosa'o ta humukuko, ka ipehapuakono pompe'ala-alano ta bongoko! To'oriomo ka kitaomo, tedoa mosa'o ka mopa'ino tempono ubinta Ira i Ue, Ue Alamu; ka nahi udoito ndi Ongkue, kanandiomo pau-Do i Ue Alano luwuakoano.

Yeremia 23:13

I olodo nabido to Samaria Kukitao mongkona anu nahi tekona: ondae mpompau anu ta gagi a neeno Baala ka mpokontesaao bawaa-Ku Isaraeli.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 4:18

Pelelumu ka wineweumu pepu'uano ka i'aluko luwuno andio. Onaemo hukumu, mopa'i ntu'u, ranta dumuhuo atemu.”

Yeremia 5:25

Salamu tumereio luwuno andio, ka halamu umonsoio anu moiko inso ndi omue.

Yeremia 6:19

Rongeomo, hei tolino! Mentee ntu'u Aku mompotii masolaa a tongku andio, gagi poko'ariano inso a luwuno tinoodo, hangano nahi dompekokoongakono pau-Ku ka domentarimao pompaguru-Ku.

Ponsabangi 5:16

Ramba-ramba ulu tedontaomo inso a ulumami. Wainto kamipo, hangano mpoweweu kamimo hala!

Yehesikieli 16:46

Akamu anu lalu te'aka onaemo Samaria, anu mo'ia saru luwuno anano beine te'alaako i utaramu, ka akamu anu lalu mongura onaemo Sodomo, anu mo'ia saru luwuno anano beine te'alaako i selatamu.

Hosea 7:1

Tewala Kupokotompao Isaraeli, te'ungkahiomo salano i Eparai ka luwuno mosa'ono Samaria, hangano mpoweweu ira pompopo'oo; mia monako merumpa mewinso, gerombola mporontu i bungkuno.

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

Amosi 7:9

Luwuno pesombaano i Saki Aku mokotampulao ka luwuno po'ianga memporido to Isaraeli ta rinongka, ka somborino i Yerobea Aku umewaiakono ponai.”

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

Mika 1:13

Pasaomo ngara a ngkareta mpetea, hei palilino Lakisi! Ndiomo pompu'uano halado a ana beine Sioni, hangano ndi omuemo ihinawe pe'ewado to Isaraeli.