Mika 1:3 - Wunta Mempori

³ Hangano menteeano Ondae i Ue meluarako inso a mpo'ianga-Do ka metii melempa a wawo luwuno pongkuno tolino.

Mika 1:3 ပူးပေါင်းရင်းမြစ်များ

Ayubi 40:12

Ipontadeo ikino kana keu arasi, ihi mpa'ano mpe'ena-ena.

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Yesaya 25:10

Hangano kae-Do i Ue ta kumaduduio torukuno andio, sine Moabi ta linolanda a mpo'iangano onaeno, kana seami linolanda a laro kineke pontadia anu mokoburu.

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yehesikieli 3:12

Ka i'amba Penaa-Do i Ue tumande aku, ka kurongeo i bungkuku unino rundu anu langkai, tempono maramba-Do i Ue mewuatako i wawono inso a mpo'iangano.

Amosi 4:13

Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Amosi 9:5

Ondae Ue Alano luwuakoano, Ondaemo anu dumanggio tolino ranta ka itelelu, ka luwuno palilino mpompemasusa, asa wawontolino mewuatako kana Koro Nili, ka tenono mbo'u kana Koro Masiri.

Habaku 3:19

Ondae Ue Ala Ueku atuu rosoku. Ondae weweuo karuku kana karuno rusa, Ondae weweu aku mokompelempa a mpo'ianga mantande. Tiano petewawa mpenani. Saru pemaeno katapi.

Sakaria 14:4

I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

Winali 32:13

Doweweuo i Ue hinao pe'ulaano lumaloo luwuno pongku, ka mongkaa hasili inso a lere. Ondae i Ue weweuo irasaio siu hoani inso a pongku watu, ka lana inso a ntorukuno watu anu motea,

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”