Mika 1:13 - Wunta Mempori

¹³ Pasaomo ngara a ngkareta mpetea, hei palilino Lakisi! Ndiomo pompu'uano halado a ana beine Sioni, hangano ndi omuemo ihinawe pe'ewado to Isaraeli.

Mika 1:13 ပူးပေါင်းရင်းမြစ်များ

Tegagia 19:17

Umarido mia orua ira atuu tumaate ira hawe i bungkuno, asa mia i olodo motae, ”Kaduduio penaamu! Si pewolili i bungkumu ka si penaa-naa maupo isua i Lembono Yarade. Kaduduiomo koroimu lumako i mentorukuno, ka si upinokotampula.”

1 Mokole 14:16

To Isaraeli iramo mempinebungkui, hangano luwuno hala anu iweweuomo i Yerobea ka anu mokontehala ira to Isaraeli.”

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Mokole 4:28

Jelai ka seami tiado ngara biasa ka ngarano kareta, domewawao a mpo'ianga anu pinatinda, singge mia montonda tanggumiano.

2 Mokole 14:19

Mia ntepo'asa umewaio i Yerusale ka ipolai lumako i Lakisi. Sine mpotena ira mia meluluo lumako i Lakisi ka onae pinepate i ra'ai.

2 Mokole 18:17

Umarino atuu mokoledo to Asuri tumena ira tadulako sorodadu, i rabi-sarisi ka i rabi-sakehi inso i Lakisi lumako ndi mokole Hisikia i Yerusale, sorodadu anu hadio tumonda ira. Melako ira ka mehawe i Yerusale. Mansado melako ka mehawe i tu'ai, mpo'ala ira po'ianga umpeda pangkorono limbo i wawono a nsala langkai a Pada Penatu.

2 Mokole 8:18

Itondao sala ntumuwudo mokole i Isaraeli kana anu wineweudo somborino i Ahabi, hangano onae mongkombia anano i Ahabi. Onae moweweu hapa anu mosa'o a pongkita-Do i Ue.

2 Tawarika 11:9

Adoraimi, Lakisi, Aseka,

2 Tawarika 32:9

Umarino atuu i Sanaheri, mokoledo to Asuri, kumaduakono luwuno roso sorodaduno kota Lakisi. Itena ira ba'opia pegawaino melako i Yerusale ndi Hisikia, mokole i Yehuda, ka a luwuno to Yehuda anu kongko i Yerusale, saru pe'oliwi,

Ayubi 39:10

Ipengingisiio maroano kota, nahi perorongeakono peboolido anu monsaari.

Peluarakoa 32:21

Mesikeno i Musa ndi Haruni, ”Hapa wineweudo tongku andio ndi omue, ranta kau pokohinao hala tedoa langkai ndi ondae?”

Yesaya 10:31

Anu mpo'ia i Madamena mpolai, palilino Gebimi mpolai mpeliahako.

Yesaya 36:2

Mokoledo to Asiuri tumenao asa mia rabi-sakehi inso i Lakisi lumako i Yerusale ndi mokole Hisikia saru bawaano sorodadu anu langkai. Onae mo'ala po'ianga umpeda pangkorono limbo i wawono a nsala langkai a Mpada Penatu.

Yesaya 37:8

Tempono ipekule i rabi-sakehi atuu, ihaweo mokoledo to Asiuri metea umewaio Libina. Hangano, irongeo nine melungkaomo mokole inso i Lakisi.

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yeremia 34:7

tempono sorodaduno mokole i Babeli metea umewaio Yerusale ka luwuno kotano Yehuda anu da tebinta, onaemo Lakisi ka Aseka. Hangano, luwunomo kota atuu anu da tebinta i olodo luwuno kotano Yehuda gagi luwuno kota anu mebente.

Yeremia 4:29

Hangano peboolido sorodadu mpengara ka mpepana luwuno palilino kota mpolai. Mpewinso ira a laro ntonga ewo ka mpewuatako a luwuno pongku watu. Luwuno kota binintaomo ka nahina maupo te'asa mia mo'ia i larono.

Yehesikieli 23:11

I Oholiba, uaino, kumitao mongkona atuu, sine onae laluaopo imingki mewowali sekonopo akano, ka pebelesuno ilaloio pebelesuno akano.

Mika 1:5

Luwuno andio gagi hangano pe'ewano i Yako, ka hangano halado to Isaraeli. Hapa pe'ewano i Yako atuu? Kombake atuu Samaria? Hapa halado to Yehuda? Kombake atuu Yerusale?

Yosua 10:3

Onaemo i Adoni-Sede mokole i Yerusale montena mia lako ndi Hohami, mokole i Hebero, ndi Pirea mokole Yaramu, ndi Hapia mokole i Lakisi, ndi Debira mokole i Egelo, motae,

Yosua 15:39

Lakisi, Bosokati, Egelo,

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.