MENGKAAA 9:2 - Wunta Mempori

² Ka i'ungkahiomo pewowano bolo wingke matea atuu, ka i'amba mewuatakoomo ahu inso a bolo atuu kana ahuno awu langkai, ka mata'oleo ka laromeene gagi wongi-wongiako ahuno bolo atuu.

MENGKAAA 9:2 ပူးပေါင်းရင်းမြစ်များ

Tegagia 15:17

Tempono sumoo oleo ka ipetii wongi-wongi, tengkitaomo api anu me'ahu ka pansona melanga telalo i olono batu-batuno bau atuu.

Tegagia 19:28

Mansano mengkita te'aro i Sodomo ka Gumora, saru a luwuno wita i Lembono Yarade, ikitaomo ahu api inso i tolino membombo i wawono kana ahu api inso a pompokolonoa.

Peluarakoa 19:18

Asa torukuno Sinai me'ahu, hangano Ondae i Ue metii i wawono a laro api. Ahuno membombo kana ahu api polabua, ka torukuno atuu reende.

Yesaya 14:31

Ponsabangimo, hei pewowa langkai! Peboolimo, hei kota! Impondidi-ndidimo, hei luwuno to Pilisitea! Hangano inso i utara membomboomo ahu mpeteaa, nahina anu mosuka inso a baresino.

Danieli 3:6

Isema anu nahi penggolontu mesomba, i tempo koa mbo'u atuu ta pinetadiako a laro api anu kolanga-langa!”

Yoeli 2:10

I arono tolino mondende, langi melelu; mata'oleo ka wula gagi wongi-wongi, ka luwuno anano wula monaa wantano.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Yoeli 2:30

Aku weweuo luwuno kinohali-haliako i langi ka i tolino: rea ka api ka hadio pebotono ahu.

WINEWEUDO TINENA 2:19

Ka Aku mompokohina anu mengkinohali-haliako i wawono, i langi ka luwuno petondoni i totono, i tolino: rea ka api ka ahu mpeboto-boto.

MENGKAAA 14:11

Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

MENGKAAA 16:10

Ka mala'eka anu ko'olima umuwuo tondeno a wawo ngkadera poparentaano kondehora atuu ka poparentaano gagi wongi-wongi, ka domengkikio elodo hangano mpompemahaki,

MENGKAAA 8:12

Ka i'amba mala'eka anu ko'opaa puurio tawuwuano ka i'aluo asa ntia otulu inso a mata'oleo ka asa ntia otolu inso a wula ka asa ntia otolu inso a luwuno anano wula, ranta asa ntia otolu inso ndi onae gagi wongi-wongi ka asa ntia otolu inso a meene nahi mewine ka kanandio koa mbo'u wongi.

MENGKAAA 9:1

Ka i'amba mala'eka anu ko'olima puurio tawuwuano, ka kukitao aasa anano wula anu tedonta inso i langi tii i wawontolino, ka ndi onae wineeako kunsino bolo wingke matea.

MENGKAAA 9:11

Ka mokole anu parenta ira onaemo mala'ekano wingke matea; neeno a mpau Ibarani onaemo Abadoni ka a mpau Yunani onaemo Apolioni.

MENGKAAA 9:17

Ka kanandiomo kukitao a laro pongkita andio luwuno ngara ka mia anu mpesawiki ira; mpelemba labu ira, motaha kana api ka molowulu ka mongkuni walira sorano; Uludo ngara atuudo mengkena kana uluno singa, ka inso a ngangado mpeluarako api, ka ahu ka walira.