MENGKAAA 8:13 - Wunta Mempori

¹³ Ka ku'amba kumitao: kurongeo aasa manu-manu singko menee i tonga-tongano langi ka mepau saru suara meroku, ”Masola, masola, memasola iramo anu mpo'ia i wawontolino hangano unino tawuwua ko'otoluno mala'eka susua, anu da ta puurio tawuwuano.”

MENGKAAA 8:13 ပူးပေါင်းရင်းမြစ်များ

Po'unde-unde 103:20

Unde-unde Iramo i Ue, hei luwuno mala'eka-Do, hei luwuno pongkiari moroso anu weweuo pau-Do tempono irongeo suarano pau-Do.

Yehesikieli 2:10

Ka do'amba wireio i aroku. Paluluno atuu binuri patimbali ka i ra'ai teburi penani ponsabangi, pompemasusa ka pompe'anaiki.

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

MENGKAAA 11:14

Masolaa anu ko'orua telaloomo: kitaomo, masolaa anu ko'otolu tamo ronga hawe.

MENGKAAA 12:12

Onaemo pu'uno po'undemo, hei suruga ka hei luwumiu anu mpo'ia i larono, memasola komiumo, hei tolino ka tahi! Hangano i Mosa'o metiiomo ndi omiu, a laro bamburuno anu mongkokongiri, hangano ito'orio, nine tempono rangkuomo.”

MENGKAAA 14:3

Dompenaniakono aasa penani wo'ohu i arono kadera poparentaa ka i arodo opaa anu tuwu ka mia mempinemota'u atuudo, ka nahina maupo te'asa mia anu mokompepaguruakono penani atuu sangkadio mia asa etu pato pulu ka opaa nsowu anu mentinolosi iramo atuu inso i tolino.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,

MENGKAAA 19:17

Ka ku'amba kumitao aasa mala'eka mentade a laro mata'oleo ka onae mebooli saru suara meroku a luwuno manu-manu anu mpenee i tonga-tongano langi, ipotae, ”Ime'aiwamo i ndi'ai ka impepumpumo ka impetonda a mpelimbua-Do Ue Ala, pelimbua anu langkai,

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 8:2

Ka ku'amba kumitao opitu mala'eka, anu mpentade i aro-Do Ue Ala, ka ndi ondae wineeako opitu tawuwua.

MENGKAAA 9:1

Ka i'amba mala'eka anu ko'olima puurio tawuwuano, ka kukitao aasa anano wula anu tedonta inso i langi tii i wawontolino, ka ndi onae wineeako kunsino bolo wingke matea.

MENGKAAA 9:12

Masolaa anu amba-ambano telaloomo. Kanandio-andio ta metonda orua mbo'u masolaa.