MENGKAAA 7:9 - Wunta Mempori

⁹ Ka i'amba umarino atuu kukitao: menteeano, aasa tepumpua langkai mia hadio anu nahi pinokodoa hadiono, inso a luwuno tongku ka suku ka pepe'etua ka pau, mpentade i arono kadera poparentaa ka i aro-Do Ana Bimba, mpelemba meloe mopute ka mpo'ini lewe palemi a ngkaedo.

MENGKAAA 7:9 ပူးပေါင်းရင်းမြစ်များ

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Po'unde-unde 2:8

Po'emamo ndi Ongkue, ka luwuno tongku Aku weeakomu gagi tia pusakamu, ka tompano tolino gagi omue me'ueo.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 76:4

I ra'aimo Dopuduo pana anu mengkoliki, kanta, ponai, ka kansai.

Po'unde-unde 77:2

Aku meboo-booli temeroku ndi Ondae Ue Ala, temeroku ndi Ondae Ue Ala, ka Doperorongeakune.

Po'unde-unde 98:3

Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 3:17

I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o.

Yehesikieli 47:5

Onae mosongka asa nsowu hiku mbo'u, kanandio-andio uwoi atuu gagiomo korono anu nahi kupokosakio. Hangano, uwoi atuu ko'onda-ondalono ranta ka dompokomensowe mia, aasa korono anu nahi pinokosaki.

Danieli 4:1

Inso ndi mokole Nebukanesa a mia inso a luwuno tongku, suku ka pau, anu mpo'ia i asa wawontolino, ”Po'ineeomo ka itetiangi manangaimiu!

Danieli 6:25

Mokole meparenta, ka i'amba mia anu mentulurio i Danieli me'inala ka mempinetadiako a laro aano singa, moiko ondae maupo luwuno ana ka kombiado. Napi domehawe a horono aa atuu, domperangkami iramo singa atuudo, maupo wukudo domempuroo.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Imama 23:40

A oleo amba-ambano asalakono impo'ala wua inso a luwuno keu anu moiko, popano keu koroma, sampa-sampano keu anu marombo ka inso a ngkeu gandarusa. Asalakono imemawongko i aro-Do i Ue, Ue Alamiu, opitu oleo tehineno.

Sakaria 10:8

Aku momansu moboi ira ka Aku pumpu ira, hangano Kupotola iramo, ka ira megagi hadio kana i ndi'ipua.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

I LUKASI 12:1

Kontongaano atuu sowu-sowuno mia hadio mpengowo iramo, ranta ka dompehihidi. Ka Do'amba i Yesu mompu'u mompaguru, amba-ambano a ana guru-Do, Dopotae, ”Impetangkoromo a ragi, onaemo po'onde-ondedo to Parisi.

I LUKASI 21:36

Impedaga-dagai mpiha saru mpekakai, ka impohawe roso mentola inso a luwuno anu ta gagi atuu, ka imemoroso mpentade i aro-Do i Ana Manusia.”

I YOHANE 12:13

dome'ala ira lewe palemi, ka domelako mentotowo Ira saru mpeboo-booli, ”Hosana! Rinonso Iramo anu hawe a nee-Do i Ue, Mokoledo to Isaraeli!”

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

EPESU 6:13

Onaemo pu'uno ime'alaomo luwuno parewa mpetea-Do Ue Ala, ka impokompe'ewa koa a oleo anu mosa'o atuu ka kongko mpentade, umarino impoko'umario luwuakoano.

IBARANI 11:12

Onaemo pu'uno, inso a mia aasa, tendeano mia anu kana mateomo, moluarako hadio inule, kana anano wula i langi ka kana one i wiwi ntahi, anu nahi pinokodoa hadiono.

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 22:3

Ka nahi ta hina mbo'u pontutundali. Kadera poparentaa-Do Ue Ala ka kadera poparentaa-Do Ana Bimba ta kongko i larono ka luwuno tetenaa-Do ira mpesomba ndi Ondae,

MENGKAAA 3:18

onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.

MENGKAAA 4:4

Ka lumimbuo kadera poparentaa atuu hinao ruapulu ka opaa kadera poparentaa, ka a luwuno kadera poparentaa atuu mpentoro ruapulu ka opaa mia pinemota'u, anu mpesangka mopute ka ramba-ramba ulu wulaa i uludo.

MENGKAAA 5:11

Ka kukitao ka rumongeo suarado hadio mala'eka liimbu kadera poparentaa, luwuno anu tuwu ka mia mempinemota'u atuudo; porokodo mapulu-pulu nsowu ka mapulu-pulu juta,

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 6:11

Ka ndi ondae singge mia pinoweeako aasa lemba meloe mopute, ka ndi ondae pinotaeako, nine ondae asalakono mpenaa-naa mbo'u sarai ranta ka isompo doado walido mpompekakaako ka luwuno pepaekompodo, anu ira mempinepate mengkena kana ondae.

MENGKAAA 7:8

inso a nsuku Sebulo hopulu ka orua nsowu, inso a nsuku Yusupu hopulu ka orua nsowu, inso a nsuku Benami hopulu ka orua nsowu.