MENGKAAA 7:2 - Wunta Mempori

² Ka kukitao aasa mala'eka susua mesabaako inso a nsabaano oleo. Iwawao pontondoni-Do Ue Ala anu tuwu; ka ipebooli saru suara meroku a opaa mala'eka anu mentinena ka domensolangio tolino ka tahi,

MENGKAAA 7:2 ပူးပေါင်းရင်းမြစ်များ

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Penani Maramba 8:6

Naa akumo kana pontondoni a aroamu, kana pontondoni a ntokiamu, hangano pompehohawa moroso kana matea, po'eheno ngisi kana tolinodo mia mate, langano onaemo langano api, kana langano api-Do i Ue!

Yesaya 41:2

Isemake anu lumeluo onae inso i sabaano oleo, lumeluo onae anu mohawe ponangia a sompo pelempano, anu meweengako ira tongku i arono ka mokompetuundu ira mokole? Ponaino weweu ira kana pampawu, panano weweu ira kana seami anu tepuuri.

Yehesikieli 9:4

Pau-Do i Ue ndi onae, ”Pelempamo inso i tonga-tongano kota Yerusale ka buriomo aasa petondoni a ra'ido mia anu pompemasusa hangano luwuno wineweu mokoburu anu wineweu i ra'ai.”

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

2 KORINTI 1:22

tumondoniakono pontondoni-Do ndi ontae ka anu moweeakita Penaa Mempori i laro aroato gagi pe'inia inso a luwuno anu pinatindaomo tiato.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.

Winali 5:26

Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

2 TIMOTIU 2:19

Sine empehino anu ninaa-Do Ue Ala atuu moroso ka tondonino onaemo, ”Ondae i Ue tumo'orio isema mia-Do” ka ”Sompo mia anu pauo nee-Do i Ue asalakono ka ibintao mosa'oa.”

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

MENGKAAA 1:3

Me'uraomo onae anu basao ka ondae anu mperorongeakono luwuno pau anu ta gagi andio, ka anu tumondao hapa anu teburi i larono, hangano tempono umpedaomo.

MENGKAAA 10:1

Ka kukitao aasa mala'eka susua anu moroso metii inso i suruga, mesoumbuako seru, ka toro'ue kongko a wawo uluno ka rupano mengkena kana mata'oleo, ka karuno kana karu api.

MENGKAAA 10:4

Ka mansano opitu rundu anu umari mepau, aku burio, sine kurongeo aasa suara inso i suruga mepau, ”Tondoniomo hapa anu pinaudo opitu rundu atuu ka si burio!”

MENGKAAA 16:12

Ka mala'eka anu ko'onoo umuwuo tondeno a wawo ngkorono anu langkai, koro Eparata, ka i'amba mo'areomo uwoino, ka itetindamo pesalaado luwuno mokole anu me'aiwa inso i sabaano oleo.

MENGKAAA 5:2

Ka kukitao aasa mala'eka anu moroso, anu mebooli saru suara meroku, ipotae, ”Isemake anu tekona wileo paluluno wunta atuu ka umungkahio luwuno tondonino?”

MENGKAAA 8:3

Ka aiwaomo aasa mala'eka susua, ka ilako mentade umpeda meda pontunua pesomba saru aasa pontunua dupa wulaa. Ka ndi onae wineeako hadio dupa ka ipesombaakono meronga saru pekakaido luwuno mia mempori a wawo meda pontunua pesomba wulaa i arono kadera poparentaa atuu.

MENGKAAA 9:14

ka motaeakono mala'eka anu ko'onoo atuu, ”Potola iramo opaa mala'eka anu pinongu umpeda korono langkai Eparata atuu.”

MENGKAAA 9:4

Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino.

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”