MENGKAAA 7:17 - Wunta Mempori

¹⁷ Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”

MENGKAAA 7:17 ပူးပေါင်းရင်းမြစ်များ

Po'unde-unde 22:26

Hangano Omiu ongkue menaniako po'unde-unde a laro bawaa anu langkai; tinangaku aku umowahio i arodo anu doitoako Ira.

Po'unde-unde 23:5

Omiu mompatindaakune kaanga, i arodo iwaliku; Omiu umurapiakono lana uluku; pialaku buke lulua.

Po'unde-unde 28:9

Po'ineeomo ka Ikadudui ira bawaa-Miu ka Ironso iramo mia-Miu, Ipakambi iramo ka Ipokowali iramo ranta nahina tampulaano.

Yesaya 12:3

Komiu memawongko mpontambu uwoi inso a mata uwoi tekaduduia.

Yesaya 25:6

Ondae Ueno luwuakoano Ira mompatinda i torukuno andio tiado luwuno tongku, asa pelimbua saru ninahu anu mentaba, asa pelimbua saru uwoi anggoro motu'a, ninahu anu mentaba ka me'unto wukulaa, anggoro motu'a anu tinirisa upeno.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 30:19

Mentee ntu'u, hei tongku i Sioni anu mpo'ia i Yerusale, nahi komengese mpiha. Menteeano, Ondae i Ue Ira mehohawako, tewala omue meboo-booli; i tempono Dorongeo peboolimu, Ira sumangki.

Yesaya 30:25

I wawono sompo torukuno anu mantande ka sompo pongku anu telanso ta mompowaa uwoi a oleo pompepatea anu langkai, tempono dontehoa menara.

Yesaya 35:10

mia anu mempinotola-Do i Ue ira mpekule ka mpewinso i Sioni saru mengkokora-kora, po'unde nahina tampulaano ta gagi peramba-ramba uludo; mawongkoa ka po'unde ta buke ndi ondae, masusa ka pompemasusa me'olaiako.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 49:9

ka domempinauako mia anu nte'uko: Peluarakomo! a mia anu mekongko a laro wongi-wongi: Aiwamo! A luwuno sala tinondado mpohawe ira tonga mpada, ka maupo a luwuno pongku londa tepatinda pada pompakambia.

Yesaya 51:11

Luwuno mia anu pinotola-Do i Ue ira mpekule ka mpewinso i Sioni mengkokora-kora mawongko, po'unde nahina tampulaano ta gagi peramba-ramba uludo; mawongkoa ka po'unde ta buketi ira, masusaa ka pompemasusa me'olaiako.

Yesaya 60:20

Ndi omue ta hina mata'oleo anu nahi hori sumoo ka wula anu nahi hori sumoo, hangano Ondae i Ue Ira gagi pokomewinemu anu nahi bali, ka luwuno oleo po'inombomu ta menaa-naa.

Yesaya 65:19

Aku kokora-kora hangano Yerusale, ka mawongko hangano bawaa-Ku. I larono nahi ta teronge mbo'u pengesea ke maupo peraali.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yeremia 31:9

Saru mpengese ira me'aiwa, saru mepepehohawa Aku wawa ira; Aku wawa ira a luwuno korono, a nsala anu merete, i ra'ai nahi ira ntetidu; hangano Ongkuemo amano i Isaraeli, ka i Eparai ana aka-Ku.

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

Mika 7:14

Bawaa-Miu Ipakambiako iramo tuko-Miu, bawaano bimba lano Omiu ueno, anu mo'ia asa-asano a laro ntobu i tonga-tongano lere wua ngkeu. Po'ineeomo domengkaano ewo i Basani ka i Gileadi kana i tempono ndi'ipua.

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

I MATIU 5:4

Me'uraomo mia mompemasusa, hangano ira mentinarero.

I YOHANE 10:11

Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano;

I YOHANE 10:14

Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:11

Motae beine atuu ndi Ondae, ”Ue, nahina pontambu-Miu ka sumuru andio ondalo ntu'u; inso i suake Ipohawe uwoi tuwu atuu?

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.

MENGKAAA 21:22

Ka nahi kupongkita Raha Mempori i larono; hangano Ondae Ue Ala, Ue Anu Tedoa Pabawa, Ondae Raha Mempori, kanatuu koa mbo'u Ondae Ana Bimba atuu.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 21:4

Ka Ira pahihio luwuno uwoi mata inso a matado, ka matea nahi ta hina mbo'u; nahi ta hina mbo'u po'inomboa, ke ponsabangi, ke pompemasusa, hangano luwuakoano anu tehine atuu telaloomo.”

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.