MENGKAAA 7:14 - Wunta Mempori

¹⁴ Ka kupotaeakono, ”Ueku, omiu ue tumo'orio.” Ka i'amba motae ndi ongkue, ”Ondae andio onaemo luwuno mia anu mpeluarako inso a masusaa anu langkai, ka domelomboomo lemba meloedo ka dompokomoputeo a laro rea-Do Ana Bimba.

MENGKAAA 7:14 ပူးပေါင်းရင်းမြစ်များ

Ayubi 11:16

Menteeano kokumolupeo masusamu, terorambe ndi onae butu kana a uwoi anu telaloomo.

Peluarakoa 37:3

Opaa mala-mala inso a wulaa tinawa wineweuako burua po'iangano songka atuu a opaa karuno, orua mala-mala i apano anu asa ka orua mala-mala i apano anu susua.

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Danieli 7:16

Kurangkuhio asa mia inso i olodo anu mpentade i ra'ai ka kupesikenoakono hapa pengkonaano mongkona luwuno atuu. Onae mepau ndi ongkue ka pauakune pengkonaano.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

I MATIU 24:21

Hangano i tempo atuu ta gagi pobobarasaia anu mongkokongiri kana anu napi hori gagi tampu'uno wawontolino hawe kanandio-andio ka anu nahi ta hori gagi mbo'u.

I MARAKUSU 13:19

Hangano i tempo atuu ta gagi pobobarasaia kana anu napi hori gagi tampu'uno wawontolino, anu pinokogagi-Do Ue Ala, hawe kanandio-andio ka anu nahi ta gagi mbo'u.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 5:3

Ka komba butu onae atuu. Tendeano kita koa mpo'unde mbo'u a laro marasaiato, hangano tomento'orio, nine marasaia atuu mompokohina pompedato,

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

2 TESALONIKA 1:4

ranta a luwuno bawaa-Do Ue Ala mpo'unde kami mongkona omiu hangano pompeteamiu ka pompe'ala-alamiu a luwuno poweweunsa'o ka pompokonsiia anu pinemarasaimiu:

IBARANI 13:12

Onae koa mbo'u pu'uno Ondae i Yesu tebobarasai Iramo i bungkuno pewowa langkai mokomemporiakono rea-Do bawaa-Do.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 15:2

Ka kukitao aasa kana tahi tami malua mesalo api, ka i wiwino tahi tami malua atuu mentade ira mia anu menangiomo kondehora atuu ka tinahano ka doano neeno. Ndi ondae hinao katapi-Do Ue Ala.

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 7:9

Ka i'amba umarino atuu kukitao: menteeano, aasa tepumpua langkai mia hadio anu nahi pinokodoa hadiono, inso a luwuno tongku ka suku ka pepe'etua ka pau, mpentade i arono kadera poparentaa ka i aro-Do Ana Bimba, mpelemba meloe mopute ka mpo'ini lewe palemi a ngkaedo.