MENGKAAA 7:1 - Wunta Mempori

¹ Ka i'amba umarino atuu kukita ira opaa mala'eka pentade a opaa siuno tolino ka dome'ontoo opaa angi i tolino, ka si hina angi mepuuri a ntuwu wita, ke a ntahi ke a luwuno keu.

MENGKAAA 7:1 ပူးပေါင်းရင်းမြစ်များ

Yesaya 11:12

Onae ta wuatakono asa bandera tiado tongku ka pumpu ira to Isaraeli anu mentinadi, ka ta pumpu ira to Yehuda anu ntesiarawo inso a opaa siuno tolino.

Yesaya 27:3

Ongkue, Ue, anu dumagaio; sompo tempo Kusisiwuio. Kasihina anu sumosanggolio, meene wongi Kudagaio;

Yesaya 27:8

Saru tumambao ka sumaari ira, mekara-kara Komiumo saru ondae. Dotadiako iramo pepuurino angi-Do anu mokora i tempono angi i sabaano oleo.

Yeremia 49:36

Aku mompotiiakono Elami opaa angi inso a opaa siuno langi ka sumiarawo ira a luwuno mata angi andio, ranta nahina tongku anu nahi domehaweio mia anu ntesiarawo inso i Elami.

Yehesikieli 37:9

Pau-Do ndi ongkue, ”Pauomo anu ta gagi a mpenaa atuu, pauomo anu ta gagi, hei anano mia, ka potaemo a mpenaa atuu: Kanandiomo pau-Do Ue Ala: Hei penaa, aiwamo inso a opaa siuno angi, ka pepuurimo i larodo mia anu mempinepate atuu, ka dowali mentuwu.”

Yehesikieli 7:2

”Omue, anano mia, pauomo: Kanandiomo pau-Do Ue Ala a wita Isaraeli: Poko'ariano! Poko'arianomo opaa siuno wita atuu.

Danieli 11:4

Sine da saraipo ipe'umbaako, poparentaano ta tepeha ka tetia montonda opaa mata angi inso i langi, sine komba a inuleno, ka nahina pabawa kana anu pine'ueno. Hangano, poparentaano ta tedonta ka gagi tiado mia anu susua.

Danieli 7:2

Motae i Danieli, ”Ia wongi ongkue mohawe pongkita, tengkita opaa angi inso i langi wemboo tahi langkai,

Danieli 8:8

Bembe lakino atuu tedoa mompelangka-langkai. Sine mansano hawe a tompaano pabawano, tandu anu langkai atuu tepudu, ka i'amba a mpo'iangano tuwu opaa tandu anu telanso, medede saru opaa mata angi i langi.

Yunu 1:4

Sine Ondae i Ue mompotii umangi a ntahi, ka i'amba gagiomo opue langkai, ranta kapala atuu tedeimo koa ka iterawo.

Sakaria 6:1

Mengkita aku mbo'u ngkoraane, ka kukitao opaa kareta petea meluarako inso i olono orua torukuno. Ka torukuno atuudo luwuno torukuno mala.

Sakaria 6:5

Mala'eka atuu sumangki ndi ongkue, ”Luwuno andio mpeluarako a opaa siuno langi umarido mpe'aro ndi Ondae Ueno asa wawontolino.”

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MARAKUSU 13:27

Ka i tempo mbo'u atuu Ira metena ka dompeluarako mala'eka-Do ka Ira pumpuo luwuno mia bininiki-Do inso a opaa siuno tolino, inso i tompano tolino hawe i tompano langi.

MENGKAAA 20:8

ka onae ta lumako mopo'oo ira tongku a opaa siuno tolino, onaemo Goge ka Magoge, ka pumpu ira ka dompetea ka porokodo mengkena saru hadiono one a ntahi.

MENGKAAA 6:6

Ka kurongeo kana hinao suara i tonga-tongado opaa anu tuwu atuu motae, ”Aasa ponsa'u gandu aasa dinare olino, ka otolu ponsa'u jelai aasa dinare olino. Sine si sosa'orio lana ka anggoro atuu.”

MENGKAAA 7:3

ipotae, ”Si mensolangio tolino ke tahi ke luwuno keu ba napi kimentondoni ira tetenaa-Do Ue Alamami a ra'ido!”

MENGKAAA 8:7

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.

MENGKAAA 9:14

ka motaeakono mala'eka anu ko'onoo atuu, ”Potola iramo opaa mala'eka anu pinongu umpeda korono langkai Eparata atuu.”

MENGKAAA 9:4

Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino.