MENGKAAA 6:9 - Wunta Mempori

⁹ Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.

MENGKAAA 6:9 ပူးပေါင်းရင်းမြစ်များ

Tegagia 4:10

Mepau Ira, ”Hapake anu umari wineweumu andio? Reano uaimu meboo-booli ndi Ongkue inso a wita.

Peluarakoa 29:12

Po'alamo tedei reano sapi atuu kau hahiakono tonisomu a ntandu-tanduno meda pontunua pesomba. Toreano rea atuu, uwuo i totono meda pontunua pesomba.

Imama 4:7

Ka i'amba sando mpesomba atuu asalakono monaakono tedei inso a rea atuu a ntandu-tanduno meda pontunua pesomba anu mana dupa inso rampa mo'ahi woono anu kongko i aro-Do i Ue a laro Kema Tepotowoa. Toreano inso a reano sapi atuu asalakono i'uwuo i totono meda pontunua pesomba tinunu i arono pewowa Kema Tepotowoa.

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

2 KORINTI 5:8

sine aroamami moroso, ka inehemamipo mpelimba inso a ngkoroi andio ka kimpo'ia mpiha ndi Ondae i Ue.

PILIPI 1:23

Pinakada aku inso a orua rupa: ineheku lumako ka kupo'ia meronga saru Ondae i Kerisituu – atuu lano laluaopo moiko;

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

2 TIMOTIU 4:6

Mongkona ongkue, reaku mompu'uomo inuwu gagi pesomba ka tempo mateaku umpedaomo.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

MENGKAAA 1:2

I Yohane mesakosiiomo mongkona pau-Do Ue Ala ka mongkona anu sinakosii-Do i Yesu Kerisituu, onaemo luwuakoano anu ikitaomo.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 14:18

Ka aasa mala'eka susua aiwa inso a meda pontunua pesomba; onae pabawaio api ka ipebooli saru suara meroku a mala'eka anu mo'ini ponsewo montaso atuu, ipotae, ”Pesewoakonomo ponsewomu anu montaso atuu ka otuhi iramo wuano keu anggoro i tolino, hangano wuano motahaomo.”

MENGKAAA 16:7

Ka kurongeo meda pontunua pesomba atuu motae, ”Oo Ue, Ue Ala, Anu Tedoa Pabawa, mentee ka moleo luwuno pobitara-Miu.”

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 8:3

Ka aiwaomo aasa mala'eka susua, ka ilako mentade umpeda meda pontunua pesomba saru aasa pontunua dupa wulaa. Ka ndi onae wineeako hadio dupa ka ipesombaakono meronga saru pekakaido luwuno mia mempori a wawo meda pontunua pesomba wulaa i arono kadera poparentaa atuu.

MENGKAAA 9:13

Ka i'amba mala'eka anu ko'onoo puurio tawuwuano, ka kurongeo aasa suara meluarako inso a opaa tanduno meda pontunua pesomba wulaa anu i aro-Do Ue Ala,