MENGKAAA 6:2 - Wunta Mempori

² Ka kukitao: menteeano, hinao aasa ngara mopute ka mia anu mesawikio mo'ini aasa pana ka ndi onae wineeako aasa ramba-ramba ulu. Ka i'amba lumako kana poponangi ka ihaweo ponangia.

MENGKAAA 6:2 ပူးပေါင်းရင်းမြစ်များ

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 76:7

Hangano te'ise-Miu, oo Ue Alano i Yako, tekoturi rodo anu mesawi maupo ngarano.

Po'unde-unde 98:1

Penani po'unde-unde. Penaniakomo penani wo'ohu tia-Do i Ue, hangano Doweweuomo luwuno wineweu anu kinohali-haliako; Ondae monangiako kae ngkoana-Do Ondae-Do, saru tokia anu mempori.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Sakaria 1:8

”Hieno wongi mohawe aku aasa pongkita: tengkitaomo asa mia anu mesawi a ngara motaha! Onae mentade i olono keu muradi anu a laro wingke; ka i bungkuno hadio ngara anu motaha, anu motaha-taha ka anu mopute.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

1 KORINTI 15:25

Hangano asalakono Ira meparenta gagi Mokole hawe ka Donaa ira Ue Ala luwuno iwali-Do a ntoto ngkaru-Do.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 14:14

Ka kukitao: menteeano, hinao aasa seru mopute, ka i wawono seru atuu mentoro aasa mia kana i Ana Manusia saru aasa ramba-ramba ulu wulaa i wawo ulu-Do ka aasa ponsewo montaso a ngkae-Do.

MENGKAAA 15:2

Ka kukitao aasa kana tahi tami malua mesalo api, ka i wiwino tahi tami malua atuu mentade ira mia anu menangiomo kondehora atuu ka tinahano ka doano neeno. Ndi ondae hinao katapi-Do Ue Ala.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:14

Ka luwuno sorodadu anu i suruga mentonda Ira; ondae mpesawi a ngara mopute ka mpopokona lena alusu anu mopute ntu'u.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 9:7

Ka rupado kosume atuu mengkena kana ngara anu pinatinda tiano peteaa, ka a wawo uludo hinao aasa anu kana ramba-ramba ulu wula, ka rupado mengkena kana rupano mia,