MENGKAAA 5:9 - Wunta Mempori

⁹ Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 5:9 ပူးပေါင်းရင်းမြစ်များ

Po'unde-unde 144:9

Oo Ue Ala, aku menaniako-Miu penani wo'ohu, saru gambusu hopulu kolorono aku menani umunde-undea-Komiu,

Po'unde-unde 149:1

Haleluya! Penaniakonomo penani wo'ohu tia-Do i Ue! Unde-unde Iramo a laro bawaado mia moleo.

Po'unde-unde 33:3

Penaniako Iramo penani wo'ohu; tingkoomo katapi temomoiko saru mengkokora-kora mawongko!

Po'unde-unde 40:3

Ondae tumande aku inso a aa matea, inso a regeno epe; Ondae numaao karuku a wawo pongku watu, pakosio pelempaku,

Po'unde-unde 96:1

Penaniakonomo penani wo'ohu tia-Do i Ue, penanimo tia-Do i Ue, hei asa wawontolino!

Po'unde-unde 98:1

Penani po'unde-unde. Penaniakomo penani wo'ohu tia-Do i Ue, hangano Doweweuomo luwuno wineweu anu kinohali-haliako; Ondae monangiako kae ngkoana-Do Ondae-Do, saru tokia anu mempori.

Yesaya 42:10

Penaniakonomo penani wo'ohu tia-Do i Ue ka unde-unde Iramo inso i tompano tolino, hei omiu anu mpetii a ntahi, hei luwuno ihino, luwuno togo saru luwuno palilino.

Danieli 3:4

Mebooliomo meroku asa mia puu pompohawe paudo mokole, ”Kanandio petenado ndi omiu, hei luwuno mia inso a luwuno tongku, suku ka pau:

Danieli 4:1

Inso ndi mokole Nebukanesa a mia inso a luwuno tongku, suku ka pau, anu mpo'ia i asa wawontolino, ”Po'ineeomo ka itetiangi manangaimiu!

Danieli 5:19

Hangano pompelangkai anu Doweeakonomo atuu, mia inso a luwuno tongku medoito ka mpondende ndi onae. Onae mompepate isema anu ineheno ka mo'ineeo tuwu isema anu ineheno, melangkaio isema anu ineheno ka me'uru-uruo isema anu ineheno.

Danieli 6:25

Mokole meparenta, ka i'amba mia anu mentulurio i Danieli me'inala ka mempinetadiako a laro aano singa, moiko ondae maupo luwuno ana ka kombiado. Napi domehawe a horono aa atuu, domperangkami iramo singa atuudo, maupo wukudo domempuroo.

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MATIU 26:28

Hangano onaemo andio rea-Ku, rea pedandia, anu inuwuako hadio mia gagi po'onini hala.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

1 KORINTI 6:20

Hangano me'inoli komiumo ka olino lesoomo inowahi: Onaemo pu'uno ka impelangkaiako Ira Ue Ala koroimiu!

1 KORINTI 7:23

Me'inoli komiumo ka olino lesoomo inowahi. Onaemo pu'uno si megagi atado mia.

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 5:19

ka impepau-pauakomo po'unde-unde pada omiu, penani pompelangkai ka penani rohani. Impenanimo ka impeboolimo ndi Ondae i Ue tompaano aroamiu.

KOLOSE 1:14

ndi Ondae ka tompohawe tetolosiato, onaemo po'ampunia hala.

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 11:14

Hangano ondae anu mpotae kanandio mpokomengkaao, nine ntekewoi ira mpo'ungke aasa wita po'iangado.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

MENGKAAA 10:11

Ka ipotaeakune, ”Omue asalakono mompau mbo'u anu ta gagi a hadio tongku ka suku ka pau ka mokole.”

MENGKAAA 11:9

Ka mia anu me'inso a luwuno tongku ka suku ka pau ka pepe'etua, mengkitao wata ngkoroido otolu ka entonga oleo tehineno ka mia atuudo nahi dome'eheakono wata ngkoroido ikinaburu.

MENGKAAA 13:7

Ka onae ineheako ka ipetea umewai ira mia mempori ka inangi ira; ka ndi onae pinoweeako pabawa a sompo suku ka bawaa ka pau ka tongku.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 17:15

Ka i'amba motaeakune, ”Luwuno uwoi anu ukitaomo, i sua ipentoro beine belesu atuu, onaemo luwuno tongku ka hadio palili ka suku ka pau.

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”

MENGKAAA 5:12

dompotae saru suara meroku, ”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.