MENGKAAA 5:6 - Wunta Mempori

⁶ Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.

MENGKAAA 5:6 ပူးပေါင်းရင်းမြစ်များ

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 8:3

Kutandeo rupaku ka mengkita, tengkita asa bimba lakino mentade i arono korono atuu; tanduno orua. Orua tanduno atuu mantande, sine anu asa lalu mantande sekono anu susua, ka anu mantande atuu tuwu pokotompa.

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Habaku 3:4

Hinao tesangkilo kana wanta, pansario wanta inso a ngkae-Do ka i tu'aimo itewuni roso-Do.

Sakaria 3:9

Hangano, kitaomo paramata anu Kupeweengakonomo ndi Yosua, asa paramata mensiu opitu, menteeano Aku moweweu nggori i wawono, kanandiomo pau-Do Ueno luwuakoano. Aku pahihio salano wita andio i larono asa oleo.

Sakaria 4:10

”Ondae anu amba-ambano mpe'uru-uruo pompu'uano anu mengkode-kodei, ira mpo'unde mengkitao watu bininiki a ngkaeno i Serubabeli. Ka opitu hulu atuu, onaemo mata-Do i Ue, anu mensiroio asa wawontolino.”

Podoaa 7:39

asa sapi mongura, asa bimba lakino ka asa bimba lakino tinuwuno asa nta'u, weweua pesomba tinunu;

Podoaa 7:57

asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

I LUKASI 1:69

Dopotuwuo aasa tandu tekaduduiato a laro inuleno i Daudi, tetenaa-Do atuu,

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 1:36

Ka mansano kumita Ira i Yesu telalo, ipotae, ”Kita Iramo Ana bimba-Do Ue Ala!”

WINEWEUDO TINENA 8:32

Puu mpau anu binasa atuu kanandio ipotae: Kana aasa bimba Dowinawa a mposumbelea; ka kana anano bimba anu bebe i arono mia anu gumontio wuluno, kanandiomo Dokomino.

MENGKAAA 1:4

Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 21:22

Ka nahi kupongkita Raha Mempori i larono; hangano Ondae Ue Ala, Ue Anu Tedoa Pabawa, Ondae Raha Mempori, kanatuu koa mbo'u Ondae Ana Bimba atuu.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:3

Ka nahi ta hina mbo'u pontutundali. Kadera poparentaa-Do Ue Ala ka kadera poparentaa-Do Ana Bimba ta kongko i larono ka luwuno tetenaa-Do ira mpesomba ndi Ondae,

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”

MENGKAAA 5:11

Ka kukitao ka rumongeo suarado hadio mala'eka liimbu kadera poparentaa, luwuno anu tuwu ka mia mempinemota'u atuudo; porokodo mapulu-pulu nsowu ka mapulu-pulu juta,

MENGKAAA 5:12

dompotae saru suara meroku, ”Ana Bimba anu sinumbele atuu tekona ka Dotarimao pabawa, ka kaeaa, ka ponto'ori anu mentee, ka roso, ka pompelangkai, ka marambaa, ka po'unde-unde!”

MENGKAAA 5:13

Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae, ”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”

MENGKAAA 5:14

Ka opaa anu tuwu atuu mpotae, ”Ami.” Ka mia mempinemota'u atuudo ntebangku mpenggolontu ka mpesomba.

MENGKAAA 6:16

Ka dompotaeako ira torukuno ka watu atuudo, ”Intehoamo dumunsi kami ka imewuni kamimo inso ndi Ondae, anu mentoro a wawo ngkadera poparentaa ka a ntekuda-Do Ana Bimba atuu.”

1 Samueli 2:10

Mia anu umewai Ira i Ue, ta pinoko tampula; hangano ondae, ka Dotekuda kana rundu i langi. Ondae i Ue pabawaio asa wawontolino andio; Ondae moweeakono roso a mokole anu bininiki-Do, ka moweeakono pabawa a mia anu inurapi-Do.”