MENGKAAA 4:7 - Wunta Mempori

⁷ Mongkona anu tuwu anu amba-ambano mengkena kana singa, ka anu tuwu anu ko'orua mengkena kana ana nsapi, ka anu tuwu anu ko'otolu hinao rupano kana rupano mia, ka anu tuwu anu ko'opaa mengkena kana manu-manu singko anu kontongaano menee.

MENGKAAA 4:7 ပူးပေါင်းရင်းမြစ်များ

Tegagia 49:9

I Yehuda kana anano singa. Umari morako, komewuatako mantande, hei anaku. Onae me'opo ka mepombole kana singa lakino ke singa waino, isemake anu mosia wanguo?

2 Samueli 1:23

I Saulu ka i Yonata anu pinehohawa, ka pinesanaa, a ntumuwu ka matedo nahi teponsia. Magasi irapo sekono rajawali, moroso irapo sekono singa.

Powadi 28:2

Hangano pe'ewa i wita atuu hadioomo anu pabawa, sine hangano mia anu hinao ponto'oriono ka hinao pandeno mekorahakoomo te'atoraa.

Yesaya 40:31

sine mia anu sumisikori Ira i Ue mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Yehesikieli 1:10

Rupado tengkita kanandio: Opaa ira merupa mia i arono, rupano singa i koana, rupano sapi i manggali, ka rupano rajawali i bungkuno.

Yehesikieli 1:8

A opaa horido, i totono luwuno panino, tengkita kaeno mia. Rupa ka panido opaa ira kanandio:

Yehesikieli 10:14

Singge kerubi hinao opaa rupano: rupa anu amba-ambano onaemo rupano kerubi, anu ko'orua rupano mia, anu ko'otolu rupano singa ka anu ko'opaa rupano rajawali.

Yehesikieli 10:21

Singge hinao opaa rupano ka opaa panino. I totono panido hinao anu kana tadeno kaeno mia.

Danieli 7:4

Anu amba-ambano rupano kana asa singa ka mepaniako panino manu-manu rajawali. Kukitao mpiha ranta ka itebuta panino ka onae tetande inso a wita. Onae pinontade a orua karuno kana mia, ka ndi onae pinoweeako aroano mia.

Obaja 1:4

Maupo upenee mantande kana singko, tendeano maupo senomu ninaa i olodo luwuno anano wula, inso i ra'ai mbo'u Aku motiiko,” kanandiomo pau-Do i Ue.

Podoaa 23:24

Kitao, asa tongku anu mentade kana singa waino, ka mentade moleo kana singa lakino anu nahi pomboleo koroino, ba napi kaano rinakono ka mo'inu reano pinongko'alano anu pinepateno.”

Podoaa 24:9

Onae me'opo ka mepombole kana singa lakino, ka kana singa waino; isemake anu sapa wanguo? Rinonsoomo mia anu rumonsoko, ka tetotonaaomo mia anu tumotonaako!”

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.

MENGKAAA 4:6

Ka i arono kadera poparentaa atuu hinao tahi malua tami kana kerisitala; i tonga-tongano kadera poparentaa atuu ka lumimbuo hinao opaa anu tuwu bukeako mata, te'alaako i arono ka te'alaako i bungkuno.

MENGKAAA 6:3

Ka tempono Ana Bimba atuu umungkahio pontondoni anu ko'orua, kurongeo anu tuwu anu ko'orua motae, ”Aiwa!”

MENGKAAA 6:5

Ka tempono Ana Bimba atuu umungkahio pontondoni anu ko'otolu, kurongeo anu tuwu anu ko'otolu motae, ”Aiwa!” Ka kukitao: menteeano, hinao aasa ngara mo'ito ka mia anu mesawikio mo'ini aasa pontimba a ngkaeno.

MENGKAAA 6:7

Ka tempono Ana Bimba atuu umungkahio pontondoni anu ko'opaa, kurongeo suarano anu tuwu anu ko'opaa motae, ”Aiwa!”