MENGKAAA 4:2 - Wunta Mempori

² Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.

MENGKAAA 4:2 ပူးပေါင်းရင်းမြစ်များ

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Yeremia 17:12

Kadera marambaa, maramba inso a pompu'uano, po'iangano raha memporito!

Yehesikieli 1:26

Iwawono longkuno langi anu iwawono uludo, hinao asa anu kana tadeno kadera poparentaa, tengkita kana paramata lasuaradi. I wawono anu kana tadeno kadera poparentaa atuu hinao asa anu tengkita kana rupano mia.

Yehesikieli 1:28

Kana longkuno toro'ue, anu tengkita a nseru tempono usa, kanatuumo tengkita wanta anu lumimbuo. Kanatuumo tengkita rupano maramba-Do i Ue. Tempono kukitao ongkue menggolontu mesomba, ka ku'amba rumongeo suara-Do anu mepau.

Yehesikieli 10:1

Ka ku'amba kumitao, mentee ntu'u, i wawono longkuno langi anu kongko a wawo ulu, luwuno kerubi, i wawono luwuno atuu, tengkita aasa anu kana tadeno kadera poparentaa, tengkita kana paramata lasuaradi.

Danieli 7:9

Kontongaaku mpiha mengkita, kadera poparentaa meninaa, ka i'amba mentoroomo Anu Tende Ntinuwu. Sangka-Do mopute kana seru baku ka wuu-Do morina kana wulu bimba. Kadera poparentaa-Do inso a langano api saru luwuno rodano inso a api anu kontongaano tensila.

I MATIU 22:43

Dopotaeako ira, ”Tewala kanatuu, kana'umpeke i Daudi a pokongkomi-Do Penaa ka ipokopau Ira Ueno, tempono ipotae:

IBARANI 8:1

Pu'uno luwuno anu pinauto atuu onaemo: hinao Sando Mpesomba Langkaito anu kanandio, anu mentoro i koanano kadera poparentaa-Do Anu Tedoa Langkai i Suruga,

MENGKAAA 1:10

A oleo-Do i Ue Dopabawai aku Penaa ka kurongeo inso i bungkuku aasa suara anu meroku, kana unino tawuwua,

MENGKAAA 12:5

Ka ipe'anaakono aasa Ana ntama, anu ta pakambiako ira tuko labu luwuno tongku; borono Anano atuu rinontu ka winawa ndi Ondae Ue Ala ka a ngkadera poparentaa-Do.

MENGKAAA 17:3

A laro Penaa Dowawa aku i pada one. Ka kukitao aasa beine mesawi a wawo aasa kondehora anu motaha wungo, anu buke teburiako nee pompepaukiako. Kondehora atuu hinao opitu uluno ka hopulu tanduno.

MENGKAAA 19:4

Ka rua pulu ka opaa mia mempinemota'u ka opaa anu tuwu atuu mpenggolontu ka mpesombai Ira Ue Ala anu mentoro a wawo ngkadera poparentaa atuu, ka dompotae, ”Ami, Haleluya.”

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 21:10

Ka i'amba a laro penaa iwawa aku a wawo aasa torukuno anu langkai ka ondau ka itisoakune kota anu mempori atuu, Yerusale, metii inso i suruga, inso ndi Ondae Ue Ala.

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 4:10

ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 4:5

Ka inso a ngkadera poparentaa atuu meluarako koliki ka unino rundu anu u'uru, ka opitu pansona kolanga-langa i arono kadera poparentaa atuu: onaemo atuu opitu Penaa-Do Ue Ala.

MENGKAAA 4:9

Ka luwuno anu tuwu atuu sompo dompompesombaako po'unde-unde, ka pompelangkai ka pontarimakasi ndi Ondae, anu mentoro a wawo ngkadera poparentaa atuu ka anu tuwu ranta nahina tampulaano,

MENGKAAA 5:1

Ka kukitao a ngkae ngkoana-Do anu mentoro a wawo ngkadera poparentaa atuu, aasa paluluno wunta, anu binuri i larono ka i bungkuno ka tinondoniako opitu pontondoni.

MENGKAAA 5:13

Ka kurongeo luwuno anu tuwu i suruga ka anu i tolino ka anu i totono tolino ka anu a ntahi ka luwuno anu mekongko i larono, mpotae, ”Tia-Do anu mentoro a wawo ngkadera poparentaa ka tia-Do Ana Bimba, onaemo po'unde-unde ka pompelangkai ka marambaa ka pabawa ranta nahina tampulaano!”

MENGKAAA 6:16

Ka dompotaeako ira torukuno ka watu atuudo, ”Intehoamo dumunsi kami ka imewuni kamimo inso ndi Ondae, anu mentoro a wawo ngkadera poparentaa ka a ntekuda-Do Ana Bimba atuu.”