MENGKAAA 4:10 - Wunta Mempori

¹⁰ ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 4:10 ပူးပေါင်းရင်းမြစ်များ

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 7:3

Mansado mengkitao luwuno to Isaraeli api atuu metii ka maramba-Do i Ue buketio raha atuu, mpenggolontu iramo a horo saru rupado a wita, ka do'amba mpetuundu mpesomba ka mpenaniako po'unde-unde tia-Do i Ue, ”Hangano Ondae moiko! Menteeano nahina tampulaano petenunu ka pompehogawa-Do.”

Ayubi 1:20

Mentadeomo i Ayubi, berio lemba meloeno, ka kumeruo uluno, ka i'amba menggolontu ka mesomba.

Po'unde-unde 115:1

Komba ndi omami, oo Ue, komba ndi omami, sine a nee-Miumo moikoano iwineeako marambaa, hangano pompehohawa-Miu, hangano petenunu-Miu!

Po'unde-unde 47:8

Hangano Ondae Ue Ala onaemo Mokoleno asa wawontolino, penanimo po'unde-undeako penani pompaguru!

Po'unde-unde 72:11

Po'ineeomo luwuno mokole mpenggolontu mpesomba ndi onae, ka luwuno tongku ntepe'ata ndi onae.

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.

Danieli 12:7

Mia anu mesangka sawu lena ka kongko a wawo uwoi korono atuu tumandeo kae ngkoanano ka kae manggalino kontahane i langi, ka kurongeo mia atuu mesumpa me'empehiako Ondae anu tuwu nahina tampulaano, ”Asa tempo ka orua tempo ka entonga tempo. Mansano tampulaomo pabawano ponsolangi tongku anu mempori atuu, mongkona luwuno andio ta inihii!”

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

I MATIU 2:11

Ka mpewinso iramo i laro raha atuu, ka mengkitao nana'ote atuu saru i Maria, ine-Do, ka do'amba mpenggolontu mpesombai Ira. Ondae mbo'u me'ungkahio ponaapa arataado ka dompesombaakono pesomba ndi Ondae, onaemo io wulaa, dupa ka mire.

I LUKASI 24:52

Mpenggolontu iramo mpesombai Ira, ka do'amba mpekule i Yerusale tedoa memawongko.

1 KORINTI 15:10

Sine hangano pompehohawa-Do Ue Ala ka kugagi kana teweweuku kanandio-andio, ka pe'aroa anu Doweeakune komba tetadi-tadi mpena. Tendeano laluaopo pe'iseiku mo'angga sekonopo luwudo; sine komba hangano ongkue, tendeano pompehohawa-Do Ue Ala anu kumongkomi aku.

Winali 32:40

Menteeno Aku tumandeo kae-Ku I langi, ka Kupepau, ”Ongkuemo anu tuwu nahina tampulaano,

MENGKAAA 10:6

ka ipesumpa a nee-Do anu tuwu ranta nahina tampulaano, anu mokogagiomo langi ka luwuno ihino, ka tolino ka luwuno ihino ka tahi ka luwuno ihino, ipotae, ”Nahi ta pinotulu mbo'u!

MENGKAAA 11:16

Ka rua pulu ka opaa mia mempinemota'u, anu mpentoro i aro-Do Ue Ala a wawo ngkadera poparentaado, mpenggolontu ka mpesombai Ira Ue Ala,

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”

MENGKAAA 15:7

Ka aasa inso a opaa anu tuwu atuu moweeako ira opitu mala'eka atuu opitu tonde inso a wulaa anu buke me'ihi tekuda-Do Ue Ala, onaemo Ondae Ue Ala anu tuwu ranta nahina tampulaano.

MENGKAAA 19:4

Ka rua pulu ka opaa mia mempinemota'u ka opaa anu tuwu atuu mpenggolontu ka mpesombai Ira Ue Ala anu mentoro a wawo ngkadera poparentaa atuu, ka dompotae, ”Ami, Haleluya.”

MENGKAAA 4:2

Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.

MENGKAAA 4:4

Ka lumimbuo kadera poparentaa atuu hinao ruapulu ka opaa kadera poparentaa, ka a luwuno kadera poparentaa atuu mpentoro ruapulu ka opaa mia pinemota'u, anu mpesangka mopute ka ramba-ramba ulu wulaa i uludo.

MENGKAAA 4:9

Ka luwuno anu tuwu atuu sompo dompompesombaako po'unde-unde, ka pompelangkai ka pontarimakasi ndi Ondae, anu mentoro a wawo ngkadera poparentaa atuu ka anu tuwu ranta nahina tampulaano,

MENGKAAA 5:14

Ka opaa anu tuwu atuu mpotae, ”Ami.” Ka mia mempinemota'u atuudo ntebangku mpenggolontu ka mpesomba.

MENGKAAA 5:8

Tempono Do'alao paluluno wunta atuu, mpenggolontu iramo opaa anu tuwu ka ruapulu ka opaa mia mempinemota'u i aro-Do Ana Bimba atuu, singge mia mo'ini aasa katapi ka aasa tonde wulaa, bukeako dupa: onaemo atuu pekakaido mia mempori.

MENGKAAA 7:11

Ka luwuno mala'eka mpentade melimbuo kadera poparentaa ka mia mempinemota'u ka opaa anu tuwu atuu; mpenggolontu ira i arono kadera poparentaa atuu ka mpesombai Ira Ue Ala,