MENGKAAA 3:9 - Wunta Mempori

⁹ Kitaomo, ba opia mia inso a bawaano i Mosa'o, onaemo ondae anu mempauo koroido to Yahudi, sine anu menteeano komba kanandio, tendeano mpegaupi, Aku meweengako ira ndi omue. Menteeano Aku tumena ira me'aiwa ka mpenggolontu a mpuu karumu ka memangaku, nine Kupehohawako.

MENGKAAA 3:9 ပူးပေါင်းရင်းမြစ်များ

Esetere 8:17

Kanatuu koa mbo'u sompo-sompo wita ka kota, ba isuamokoa parenta ka atorado mokole haweomo, hinao po'unde ka mawongkoa i olodo to Yahudi, ka pelimbua saru oleo mawongkoa. Ka mbo'u hadio inso i olodo palili i wita atuu mpewinso a nto Yahudi, hangano medoito iramo ndi ondae.

Peluarakoa 11:8

Ipotaeakono i Musa i Pirao, ”Luwuno pegawaimu ira me'aiwa mpenggolontu ndi ongkue, ka dompotae: ’Peluarakomo, omue saru luwuno palili anu mentondako!’ Umarino atuu, aku meluarako.” Meluarakoomo i Musa anu tensila tekudano bintao i Pirao.

Yesaya 43:4

Hangano omue mentudu ka maramba a pongkita-Ku ka Kupehohawako, onaemo ka Kupeweengakono mia gagi eumu, ka luwuno tongku gagi euno penaamu.

Yesaya 45:14

Kanandiomo pau-Do i Ue, ”Hasilino wita Masiri ka luwuno ura inso i Etiopia ka to Sieba, mia anu malanga koroido, ira mpelimba ndi omue ka gagi miamu. Ira merinante ka dompelempa i bungkumu; ira mpesomba ndi omue ka mpo'ema, dompotae, ’Butu i olomiu hinao Ue Ala, ka nahina anu susua; sangkadio Ondae nahina anu pinesombai susua!’

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

I YOHANE 17:23

Ongkue i larodo ka Omiu i laro-Ku ka isoompo dontepe'asa, ka ito'orio wawontolino, nine Omiu anu tumena Aku ka nine Ipehohawa ira, mengkena kana Ipehohawa Aku.

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

1 Samueli 2:36

Ka i'amba ba isema inulemu anu da tuwu, ira me'aiwa mpenggolontu mpesombaio ka dompohawe asa doi salaka ke asa roti, ka ira mpotae: ipowee aku anggaa mompokowali anggaado sando mpesomba, poolo ka kupohawe mongkaa asa nsibi roti.”