MENGKAAA 3:7 - Wunta Mempori

⁷ ”Ka buriakonomo mala'ekado bawaa i Piladepia: Ndiomo pau inso ndi Ondae Anu Mempori, Anu Mentee, anu uminio kunsino i Daudi; tewala Do'ungkahio, nahina mokotondoo; tewala Dotondoo, nahina moko'ungkahio.

MENGKAAA 3:7 ပူးပေါင်းရင်းမြစ်များ

Ayubi 11:10

Tewala Ondae telalo, moweweu morako, ka moweweu pobitaraa, isema moko'onto Ira?

Ayubi 12:14

Tewala Ondae rumongkao, nahina anu wali mokowanguo; tewala Ondae rumakoo asa mia, nahina anu mokompotolao.

Po'unde-unde 145:17

Ondae i Ue atuu moleo a luwuno poweweu-Do ka buke pompehohawa a luwuno wineweu-Do.

Po'unde-unde 16:10

hangano Omiu nahi peweengakune a ntolinodo mia mate, ka nahi po'ineeo mia mempori-Miu mongkita matea.

Po'unde-unde 89:18

Hangano Omiu koa marambano rosodo, ka hangano Ipemoikoo Itiangio tanduno rosomami.

Yesaya 22:22

Aku numaao kunsino rahano i Daudi a wawo oweano: tewala i'ungkahio, nahina anu mokotondoo; tewala itondoo, nahina anu moko'ungkahio.’

Yesaya 30:11

pe'apiakomo inso a nsala, pansiamo inso a nsala, siimo popo'aro kami mbo'u saru Ondae Anu Tedoa Mempori, Ue Alado to Isaraeli.”

Yesaya 41:14

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i Ue, ka anu tumolosiko onaemo Anu Tedoa Mempori, Ue Alado to Isaraeli.

Yesaya 41:16

Omue kodumuku ira, ka i'amba angi ta panee ira, ka angi mokora ta sumiarawo ira. Sine omue ko kokora-kora ndi Ondae i Ue ka telele ndi Ondae Anu Tedoa Mempori, Ue Alado to Isaraeli.

Yesaya 41:20

ka domengkitao luwuno mia ka mpokonto'orio, menootio ka tumo'orio, nine kae-Do i Ue anu weweuo luwuno andio ka Anu Tedoa Mempori, Ue Alado to Isaraeli, anu mokogagio.

Yesaya 47:4

Pontolosimami, Ondae Ueno luwuakoano nee-Do, Anu Tedoa Mempori, Ue Alado to Isaraeli.

Yesaya 48:17

Kanandiomo pau-Do i Ue, Pontolosimu, Anu Tedoa Mempori, Ue Alado to Isaraeli, ”Ongkuemo Ue, Ue Alamu, anu paguruakomu hapa anu mentudu, anu tumaateko a nsala anu asalakono kotumondao.

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 54:5

Hangano anu ta gagi tamamu onaemo Ondae Anu Mokogagiko, Ueno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.

Yesaya 55:5

Menteeano, omue komompoboi tongku anu nahi uto'orio, ka tongku anu nahi uto'orio ta aiwa ndi omue, hangano Ondae Ue Alamu, Anu Mempori ntu'u, Ue Alado to Isaraeli, melangkaiko.

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

I MATIU 16:19

Ndi omue Aku meweengakono kunsino Poparentaa Suruga. Hapa anu winutumu i wawontolino andio ta winutu i suruga ka hapa anu pinotolamu i wawontolino andio ta pinotola i suruga.”

I MATIU 24:35

Langi ka tolino ta moliu, sine pau-Ku nahi ta moliu.

I MARAKUSU 1:24

”Hapa ta wineweu-Miu ndi omami, hei Yesu to Nasare? Komiu hawe mepate kami? Kuto'orio isema Omiu: Anu Mempori inso ndi Ondae Ue Ala.”

I LUKASI 1:32

Ira gagi langkai tuwu-Do ka Ira nineeako Ana-Do Ue Ala Anu Lalu i Wawono. Ka Ondae Ue Ala weeako Ira kadera poparentaano i Daudi, uempu'u-Do,

I LUKASI 4:34

”Hei Omiu, Yesu to Nasare, Komiu aiwa mombioke ndi omami? Nde Komiu aiwa mepate kami? Kuto'orio isema Omiu: Anu Mempori inso ndi Ondae Ue Ala.”

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

WINEWEUDO TINENA 3:14

Sine nahi imentarima Ira Anu Mempori ka Mentee, saru me'ineheakono asa mia anu mompepate gagi pompowee ndi omiu.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 16:7

Ka kurongeo meda pontunua pesomba atuu motae, ”Oo Ue, Ue Ala, Anu Tedoa Pabawa, mentee ka moleo luwuno pobitara-Miu.”

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

MENGKAAA 2:1

”Buriakonomo mala'ekado bawaa i Epesu: Ndiomo pau inso ndi Ondae, anu mo'ini opitu anano wula atuu a ngkae ngkoana-Do ka melempa i olodo opitu karuno hulu wulaa atuu.

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala:

MENGKAAA 4:8

Ka opaa anu mentuwu atuu singge hinao panino onoo, lumimbuo ka te'alaako i larono bukeako mata, ka saru nahi dompenaa-naa mpebooli meene ka wongi, ”Mempori, mempori, mempori Iramo Ue Ala, Anu Tedoa Pabawa, anu kongko Iramo ka anu kongko ka anu Ira hawe.”

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.

MENGKAAA 6:10

Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?”