MENGKAAA 3:5 - Wunta Mempori

⁵ Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.

MENGKAAA 3:5 ပူးပေါင်းရင်းမြစ်များ

Po'unde-unde 109:13

Po'ineeomo ka ipinokotampula inuleno, ka ipinahihi neeno a inule asa api lembuino.

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Maleaki 3:17

Ondae ira megagi bawaa pinehohawa-Ku a oleo Kupohuku, pau-Do Ueno luwuakoano. Aku mehohawa ira mengkena kana asa mia mompehohawa anano anu mekakaakono.

I MATIU 10:32

Sompo mia anu umakui Aku i arodo mia, Aku umakuio nada i aro-Do Ama-Ku anu i suruga.

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

I LUKASI 12:8

Kupauakomiu: Sompo mia umakui Aku i arodo mia, i ana Manusia mbo'u Ira umakuio i arodo mala'eka-Do Ue Ala.

Winali 9:14

Po'ineemo Aku rumopu ira ka pahihio needo inso i wawontolino. Sine, omue Aku mokogagio aasa tongku anu lalu pabawa ka lalu hadio sekonopo ondae.”

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 19:8

Ka ndi onae pinoweeako ka ipompokona sawu lena alusu anu tesosangkilo ka anu mopute ntu'u!” [Lena alusu onaemo luwuno wineweu anu mentee inso a luwuno mia mempori.]

MENGKAAA 2:11

Isema mebiri, po'ineeomo ka ipomperorongeako hapa anu pinau-Do Penaa a luwuno bawaa: Ba isema monangi, onae nahi ta marasai hapa-hapa a matea anu kompenduano.”

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 22:19

Ka tewala asa mia hinao inoninino inso a luwuno pau a wunta pinau anu ta gagi andio, asalakono Ondae Ue Ala Ira umalao tiano inso a ngkeu tuwua ka inso a ngkota mempori, kana anu teburi a wunta andio.”

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 3:4

Sine i Saradisi hinao ba opia mia anu nahi domeregeio sangkado; ondae ira mpelempa saru Ongkue mpesangka mopute, hangano pototodo kanatuu.

MENGKAAA 6:11

Ka ndi ondae singge mia pinoweeako aasa lemba meloe mopute, ka ndi ondae pinotaeako, nine ondae asalakono mpenaa-naa mbo'u sarai ranta ka isompo doado walido mpompekakaako ka luwuno pepaekompodo, anu ira mempinepate mengkena kana ondae.

1 Samueli 17:25

Dompotae to Isaraeli, ”Imengkitaomoke mia meluarako arau? Onae aiwa me'uru-uru kita to Isaraeli. Isema anu mepateo, ondae mokole mokokaeao langkai, mokole ta meweengakono anano beine ndi onae ka pe'asa rahano nahi ira mpo'owahi sima'ulu i Isaraeli.”