MENGKAAA 3:21 - Wunta Mempori

²¹ Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 3:21 ပူးပေါင်းရင်းမြစ်များ

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

I MATIU 25:21

Onaemo ka ipotae ueno atuu ndi onae: Moiko ntu'u wineweumu atuu, hei ataku anu moiko ka metenunu; metenunukomo a wineweu kodei, aku me'ala-alaakomu anggaa anu langkai. Pewinsomo ka petondamo a me'uraano uemu.

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I LUKASI 22:30

nine komiu mpongkaa ka mpo'inu mpe'asa meda saru Ongkue a laro Poparentaa-Ku ka komiu mpentoro a wawo ngkadera poparentaa bitara ira hopulu ka orua suku Isaraeli.

I YOHANE 13:32

Tewala Ondae Ue Ala pinokomaramba ndi Ondae, Ondae mbo'u Ue Ala mokomaramba Ira a ngkoroi-Do, ka Ira ronga mokomaramba Ira.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

2 TIMOTIU 2:12

tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 20:6

Me'uraomo ka memporiomo onae, anu mohawe tia a mpewangua amba-ambano atuu. Matea anu kompenduano nahina mbo'u pabawano ndi ondae, sine ira megagi sando mpesomba-Do Ue Ala ka i Kerisituu, ka ira mpomparenta kana mokole meronga saru Ondae, asa nsowu ta'u tehineno.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”

MENGKAAA 6:2

Ka kukitao: menteeano, hinao aasa ngara mopute ka mia anu mesawikio mo'ini aasa pana ka ndi onae wineeako aasa ramba-ramba ulu. Ka i'amba lumako kana poponangi ka ihaweo ponangia.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”