MENGKAAA 3:18 - Wunta Mempori

¹⁸ onaemo ka Kupatuduko, ka upo'oli inso ndi Ongkue wulaa anu pinokomorinaomo a laro api, ka ugagi kaea, ka sangka mopute mbo'u, ka upokonao, ka si tengkita kolambe-lambemu anu mompokoko'ii; ka lana mbo'u lanaino matamu, ka upokompongkita.

MENGKAAA 3:18 ပူးပေါင်းရင်းမြစ်များ

Po'unde-unde 107:11

Hangano dome'ewaio luwuno parenta-Do Ue Ala, ka mentatao songka-Do Anu Tedoa Mantande,

Po'unde-unde 16:7

Ku'umunde-unde Ira i Ue, anu patudu akumo, oo, i tempono wongi laro aroaku paguru aku.

Po'unde-unde 32:8

Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

Po'unde-unde 73:24

Itaateakune patudu-Miu, ranta poko'ariano Itande aku a laro marambaa.

Powadi 1:25

tendeano, nahi imperioo patuduku, ka nahi mentarimao pekuahakoku,

Powadi 1:30

nahi dobehe mentarimao patuduku, sine mpebungkuio luwuno pekuahakoku,

Powadi 19:20

Rongeomo patudu ka tarimaomo pompaguru, ka ugagi pande mosongka i oleo lembuiano.

Powadi 23:23

Oliomo menteea ka si asao; kanatuu koa mbo'u ponto'ori anu mentee, pompaguru ka ponto'ori.

Puu Pontutulu 8:2

Tondaomo parentado mokole kana sumpamu ndi Ondae Ue Ala.

Yesaya 47:3

Po'ineeomo ka isaba anumu ka mokoko'iiamu tengkita! Aku moweweu pombaloa ka nahina pinehohawa maupo te'asa mia.

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Yeremia 13:26

Ongkue isa'a Aku tumandeo tompa hawumu hawe a rupamu, ranta ka itengkita anumu.

Danieli 12:2

Hadio inso i olodo mia anu mpoturi iramo a laro pampawu, ira mpewangu, asa ntia ka ipohawe tuwua nahina tampulaano, asa ntia mbo'u ka ipembasaio pontetewehi ka mongkokongiria anu nahina tampulaano.

Mika 1:11

Lakomo, hei palilino Sapira, saru kolambe-lambe ka mongkoko'ii. Palilino Saanani nahi sapa meluarako, ponsabangino Beti-Haeseli umonsoiko mepekadudui i ra'ai.

Nahumi 3:5

Kitao, Aku umewaiko, kanandiomo pau-Do Ueno luwuakoano; Aku sumungkeo tapu hawumu hawe a rupamu ka mopokitao pomaliamu a luwuno tongku ka wineweumu mosa'o a luwuno poparentaa.

Maleaki 3:3

Ira mentoro kana mia anu mompokolono ka mompokomorina salaka. Ondae mokomorina ira to Lewi, mokomempori ira kana wulaa ka salaka. Ondaemo anu mpompesombaako pesomba ndi Ondae i Ue a laro menteea.

I MATIU 13:44

”Mongkona Poparentaa Suruga atuu pinotundaako kana arataa anu tetano a lere, anu hinaweno mia, ka i'amba wali tumanoo. Hangano po'undeno lumakoomo umasao luwuno arataano ka i'amba umolio lere atuu.

I MATIU 25:9

Sine mesangki ira ana beine anu mempande mposongka atuu: Naahi, te'ingka nahi sompo tiamami ka tiamiu. Moikoopo imelako a mia mpo'asa lana ka impo'oli i tu'ai.

I LUKASI 12:21

Kanandiomo gagiano mia anu mopumpu arataa tiano koroino onaeno, ba nahi kaea i aro-Do Ue Ala.”

2 KORINTI 5:3

hangano ba kanandio mpesangka kita ka nahi tomehinawe kolambe-lambe.

2 KORINTI 8:9

Hangano imento'oriomo pompehohawa-Do Ueto i Yesu Kerisituu, nine Ondae, anu hangano omiu gagi mongkokolaro, maupo kaea Ira, ka igagi mengkaea hangano mongkokolaro-Do.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

MENGKAAA 16:15

”Kitaomo, hawe Aku kana anu monako. Me'uraomo onae, anu medaga-dagai ka anu mekakaakono sangkano, ka si pelempa kolambe-lambe ka si tengkita anuno.”

MENGKAAA 19:8

Ka ndi onae pinoweeako ka ipompokona sawu lena alusu anu tesosangkilo ka anu mopute ntu'u!” [Lena alusu onaemo luwuno wineweu anu mentee inso a luwuno mia mempori.]

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:17

Hangano motaeko: Kaea aku ka kupokokaeaomo koroiku ka nahina makuraku hapa-hapa, ka hangano nahi uto'orio, nine marasaiko, ka urasa'o, mongkokolaro, morawu ka kolambe-lambe,

MENGKAAA 4:4

Ka lumimbuo kadera poparentaa atuu hinao ruapulu ka opaa kadera poparentaa, ka a luwuno kadera poparentaa atuu mpentoro ruapulu ka opaa mia pinemota'u, anu mpesangka mopute ka ramba-ramba ulu wulaa i uludo.

MENGKAAA 7:13

Ka asa mia inso i olodo mia mempinemota'u atuu motae ndi ongkue, ”Isemake ondae anu mpelemba meloe mopute atuu ka isuake dome'inso?”