MENGKAAA 3:17 - Wunta Mempori

¹⁷ Hangano motaeko: Kaea aku ka kupokokaeaomo koroiku ka nahina makuraku hapa-hapa, ka hangano nahi uto'orio, nine marasaiko, ka urasa'o, mongkokolaro, morawu ka kolambe-lambe,

MENGKAAA 3:17 ပူးပေါင်းရင်းမြစ်များ

Tegagia 3:7

Ka i'amba te'ungkahiomo matado orua ira ka doto'orio nine kolambe-lambe ira. Doposombu ira lewe ngkeu ara ka doweweuo kembido.

Peluarakoa 32:35

Kanatuumo Dohuku ira i Ue tongku atuu, hangano hapa anu wineweudo a ana nsapi wineweuno i Haruni.

Powadi 13:7

Hinao mia anu peleluno kana mia kaea, sine nahina hapa-hapano, hinao mbo'u anu mo'onde-onde mongkokolaro, sine arataano hadio.

Powadi 30:9

Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

Yesaya 42:19

Isemake anu morawu sangkadio tetenaa-Ku, ka anu mobongo kana tinena anu tinena-Ku? Isemake anu morawu kana tinena-Ku morawu kana tetenaa-Do i Ue?

Yeremia 2:31

Hei, omiu anu mentuwu kanandio-andio, ipekokoongakonomo pau-Do i Ue! Nde gagiomo pada onedo to Isaraelike Ongkue ke wita anu wongi mpusu? Tembio bawaa-Ku ka dompotae, ’Tepotola kamimo, nami kimebehe mbo'u me'aiwa ndi Omiu?’

Hosea 12:8

Mengkena kana Kana'a, saru pontimba nahi mentee a ngkaeno, ka inehedo mporontu,

Sakaria 11:5

Luwuno anu mpo'oli mensumbeleo kana nahina salado ka mia me'asao mpotae, ’Unde-unde Iramo i Ue! Mompoli akumo!’ Luwuno puu mpopakambi nahi dompehohawao.

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I MATIU 9:12

Dorongeo i Yesu ka Dopotae, ”Komba mia madoo anu mongkere sando, sine mia mahaki.

I LUKASI 1:53

Dopokohadioako ira ntu'u luwuno anu moiko a mia anu mokoninggo, ka tumenao mia anu kaea lumako saru kae mooa;

I LUKASI 6:24

Sine memasola komiumo, hei omiu anu mengkaea, hangano a laro ngkaeamiu imehaweomo tareromiu.

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 12:3

Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia.

ROMA 7:24

Ongkue, mia masola! Isemake anu ta motola aku inso a ngkoroi matea andio?

2 PETURU 1:9

Sine ba isema anu nahina luwuno atuu, onae gagi morawu ka nahi malua pinewowolono, hangano ikolupeo, nine luwuno halano anu i ndi'upua pinahihiomo.

MENGKAAA 16:15

”Kitaomo, hawe Aku kana anu monako. Me'uraomo onae, anu medaga-dagai ka anu mekakaakono sangkano, ka si pelempa kolambe-lambe ka si tengkita anuno.”

MENGKAAA 2:9

Kuto'orio pinemasusamu ka mongkokolaromu – sine kaeako – ka pomposebedo, anu mempauo koroido to Yahudi, sine anu menteeano komba kanandio: tendeano ondaemo bawaano i Mosa'o.

MENGKAAA 3:16

Gaagi hangano omue melaho-laho, ka komba morini ke mokula, Aku lumuako inso a nganga-Ku.