MENGKAAA 3:10 - Wunta Mempori

¹⁰ Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 3:10 ပူးပေါင်းရင်းမြစ်များ

Yesaya 24:17

Doitoa, kineke pompete'umalaa ka oho, sumikoriko, hei palilino tolino!

Danieli 12:10

Hadio mia ta pinokomempori, pinokomolino ka inara-arahako. Sine, mia mosa'o gaudo ira mpogau mosa'o. Nahina maupo te'asa mia inso a mia mosa'o gaudo atuu ta mokonto'orio, sine luwuno mia anu pande mosongka ta mento'orio.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I MATIU 24:14

Ka Lele Mawongkoa Poparentaa andio ta pinalele i asa wawontolino gagi sakosii a luwuno tongku, umarino atuu ka i'amba hawe pokotampulaano.”

I MATIU 26:41

Impetangkoromo ka impekakaimo, ka si ntedonta a mpo'ara-arahakoa: penaa lano metonda, sine koroi molema.”

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MARAKUSU 14:9

Kupauakomiu: Menteeano i suamo koa ipinalele Lele Mawongkoa i asa wawontolino, hapa anu wineweuno andio ta pinau mbo'u gagi rorambeno.”

I LUKASI 2:1

I tempo atuu Datu Agusutusi moluarako aasa parenta, metena buri ira luwu mia i asa wawontolino.

I YOHANE 17:6

Kupokomengkaaomo nee-Miu a luwuno mia, anu Iwee Aku inso i wawontolino. Ondae atuu mia-Miu ka Iwee Akumo ka domentondaomo pau-Miu.

ROMA 1:8

Amba-ambano ku'unde-unde Ira Ue Ala Ueku mesala ndi Ondae i Yesu kerisituu hangano luwumiu, hangano teleleomo mongkona pompe'ala-alamiu i asa wawontolino.

1 KORINTI 10:13

Luwuno po'ara-arahako anu pinembasaimiu onaemo luwuno po'ara-arahako anu lano dompembasaio mia, anu nahi laloio rosono mia. Hangano Ondae Ue Ala nahi bali pokongkomi-Do ka onaemo pu'uno nahi Ira mo'inee komiu ka ime'inara-arahako lumaloio rosomiu. Tempono ime'inara-arahako Ira moweeakomiu sala peluarakoa, ranta ka impokotembio.

EPESU 6:13

Onaemo pu'uno ime'alaomo luwuno parewa mpetea-Do Ue Ala, ka impokompe'ewa koa a oleo anu mosa'o atuu ka kongko mpentade, umarino impoko'umario luwuakoano.

2 TIMOTIU 2:12

tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

YAKOBU 3:12

Pepaekompoku luwu-luwu, hinaoke keu ara mokompewuaako wua saitu ka hinaoke keu anggoro mokompewuaako wua ara? Kanandio koa mbo'u mata uwoi mopa'i nahi pokompoluarako uwoi motewe.

1 PETURU 4:12

Luwuno pepaekompo anu pinehohawa, siimo imengkohali-haliakono langano api pobobarasaia anu hawe ndi omiu gagi po'arahako, kana hinao bahapa anu tedoa langkai gagi ndi omiu.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.

MENGKAAA 13:10

Ba isema tinantui ka itinawa, onae ta tinawa; ba isema tinantui ka ipinepateako ponai, onae asalakono pinepateako ponai. Anu kinere i ndi'ai onaemo pompedato ka pompe'ala-alado mia mempori.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.

MENGKAAA 14:6

Ka kukitao aasa mala'eka susua menee i tonga-tongano langi ka ndi onae hinao Lele Mawongkoa anu nahina tampulaano ka ipaleleako ira anu mpo'ia i wawontolino ka a luwuno tongku ka suku ka pau ka pepe'etua,

MENGKAAA 16:14

Ondaemo atuu penaado onitu anu mpopokohina luwuno wineweu kinohali-haliako, ka domelako ntepohaweako ira mokole i asa wawontolino, ka dopumpu ira tiano peteaa a oleo langkai, onaemo oleo-Do Ue Ala Anu Tedoa Pabawa.

MENGKAAA 17:2

Hadio mokole i tolino mpebelesu iramo saru onae, ka anu mpo'ia i tolino memolanguako iramo anggoro pebelesuno.”

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.

MENGKAAA 6:10

Ka mpebooli ira saru suara meroku, dompotae, ”Opiapoke tehineno, oo Anu Pabawa anu mempori ka mentee, Omiu nahi pobitara ka nahi pombaloakono reamami ndi ondae anu mpo'ia i tolino?”

MENGKAAA 8:13

Ka ku'amba kumitao: kurongeo aasa manu-manu singko menee i tonga-tongano langi ka mepau saru suara meroku, ”Masola, masola, memasola iramo anu mpo'ia i wawontolino hangano unino tawuwua ko'otoluno mala'eka susua, anu da ta puurio tawuwuano.”