MENGKAAA 22:9 - Wunta Mempori

⁹ Sine ipotaeakune, ”Si poweweu kanandio! Ongkue onaemo ata, mengkena kana omue ka luwuno pepaekompomu, luwuno nabi ka luwudo anu mentondao luwuno pauno wunta andio. Pesombai Iramo Ue Ala!”

MENGKAAA 22:9 ပူးပေါင်းရင်းမြစ်များ

2 Mokole 17:36

Sine asalakono impesombamo ndi Ondae i Ue, anu tumaateakomiu roso langkai ka kae anu tetande inso i wita Masiri. Asalakono impenggolontu mpesombai Ira ka mpopesombaako pesomba ndi Ondae.

Po'unde-unde 45:11

Rongeomo, hei ana beine, kitao, ka ta'oomo birimu, kolupeomo tongkumu ka luwuno ihino rahano amamu!

Peluarakoa 34:14

si mpenggolontu mpesomba a anu pinesombaido susua, hangano Ondae i Ue meneeako ”Mosiri”, Ondae, onaemo Ue Ala anu mosiri.

I MATIU 4:9

ka ipotaeako Ira, ”Luwuno atuu aku weea-Komiu, tewala menggolontu Komiu mesombai aku.”

I LUKASI 4:7

Gagi tewala Ipesombai aku, luwuno atuu ta Omiu gagi me'ueo.”

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 14:7

ka ipebooli saru suara meroku, ”Imedoitoako Iramo Ue Ala ka ipelangkai Iramo, hangano haweomo tempo pobitaraa-Do, ka impesombai Iramo anu mokogagio langi ka tolino ka tahi ka luwuno mata uwoi.”

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 22:10

Ka i'amba motaeakune, ”Si tondonio luwuno pinau anu ta gagi inso a wunta andio, hangano rangkuomo tempono.

MENGKAAA 22:18

Mesakosii aku a sompo mia anu rumongeo luwuno pinau anu ta gagi inso a wunta andio, ”Tewala asa mia tumiangiakono hapa a luwuno pau andio, asalakono Ondae Ue Ala Ira tumiangiakono luwuno masolaa anu teburi a wunta andio.

MENGKAAA 22:7

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

MENGKAAA 4:10

ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,