MENGKAAA 22:6 - Wunta Mempori

⁶ Ka Do'amba motaeakune, ”Luwuno pau andio kona ntu'u ka mentee, ka Ondae i Ue, Ue Ala anu mompowee penaa a luwuno nabi, montena Iramo mala'eka-Do ka dotisoako ira tetenaa-Do hapa anu asalakono ronga gagi.”

MENGKAAA 22:6 ပူးပေါင်းရင်းမြစ်များ

Tegagia 41:32

Hawe pendua mo'ipi atuu iwinali ndi omiu ueku Pirao pengkonaano mongkona atuu Dopakosiomo Ue Ala ka Ondae Ue Ala Ira ronga mokogagio.

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

I MATIU 13:41

I Ana Manusia ta tumena ira mala'eka-Do pumpuo luwuakoano anu mompopo'oo ka luwuno mia anu moweweu mosa'o inso a laro Poparentaa-Do.

I LUKASI 1:70

– kana anu Dopauomo a wiwido luwuno nabi-Do anu mempori inso i ndi'upua –

I LUKASI 16:16

Songka Taura ka wuntado nabi pinake mpiha hawe a tempono i Yohane morosono; ka mompu'u i tempo atuu Poparentaa-Do Ue Ala pinalele ka sompo mia mpedada mpewui mpewinsokio.

WINEWEUDO TINENA 12:11

Ka mansano tumo'orio i Peturu teweweuno, ipotae, ”Kanandio-andio kuto'oriomo nine mentee ntu'u Ondae i Ue montena Iramo mala'eka-Do kumadudui aku inso a ngkaeno i Herode ka inso a luwuakoano anu pinerorohido to Yahudi.”

WINEWEUDO TINENA 3:18

Sine kanandiomo pesalaa-Do i Ue umihiio hapa anu Dopauomo se'eluno anu domempauo nabi-Do, onaemo nine i Mesia anu tinena-Do asalakono teweweu nsa'o.

ROMA 1:2

Lele Mawongkoa atuu Dodandiomo se'eluno anu mempinaudo nabi-Do a luwuno wunta mempori,

1 KORINTI 14:32

Pompowee a nabi momperorongeako a luwuno nabi.

1 KORINTI 7:29

Pepaekompo luwu-luwu, ndiomo anu aku pauo, onaemo: owowaomo tempo! Onaemo pu'uno a tempo anu da hinao andio mia anu hinao beinedo asalakono ka dompelelu kana nahina beinedo;

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

IBARANI 12:9

Ka i'amba: inso a amato anu menteeano mpohawe kita pohuku, ka tompelangkai ira; tewala kanandio kombake asalakono laluaopo tompomperorongeako ndi Ondae Amano luwuno penaa, ka tomentuwu?

2 PETURU 1:21

hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.

2 PETURU 3:2

ka impewowoloo koa pau anu i ndi'upua domempauomo nabi mempori ka impewowoloo parenta-Do i Ue ka Puu Pongkadudui anu domempauomo tinena ndi omiu.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”

MENGKAAA 22:7

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.