MENGKAAA 22:19 - Wunta Mempori

¹⁹ Ka tewala asa mia hinao inoninino inso a luwuno pau a wunta pinau anu ta gagi andio, asalakono Ondae Ue Ala Ira umalao tiano inso a ngkeu tuwua ka inso a ngkota mempori, kana anu teburi a wunta andio.”

MENGKAAA 22:19 ပူးပေါင်းရင်းမြစ်များ

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Peluarakoa 32:33

Mepau Iramo i Ue ndi Musa, ”Isema anu tehala ndi Ongkue, neeno Aku pahihio inso a wunta-Ku.

Powadi 30:6

Si tiangio pau-Do, ka si Dokuahakomu ka omue nahi pinotaeako anu megaupi.

I LUKASI 11:52

Memasola komiumo, hei guru agama, hangano ime'alaomo kunsino ponto'ori; omiu-miu nahi mpewinso i larono ka mia anu me'ungkeakono ira mpewinso i larono ime'onsoio.”

Winali 12:32

Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

MENGKAAA 1:3

Me'uraomo onae anu basao ka ondae anu mperorongeakono luwuno pau anu ta gagi andio, ka anu tumondao hapa anu teburi i larono, hangano tempono umpedaomo.

MENGKAAA 11:2

Sine sangkadio kintalano Raha Mempori anu i te'alaako i bungkuno, si songkao, hangano onae wineeako iramo tongku susua ka ira melolandao kota Mempori pato pulu ka orua wula tehineno.”

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 14:13

Ka kurongeo suara inso i suruga motae: Burio, ”Meme'ura iramo mia memate anu mate a nee-Do i Ue, mompu'u kanandio-andio.” ”Mentee ntu'u,” Dopotae Penaa, ”ka imoiko dompenaa-naa inso a mpe'iseido, hangano luwuno wineweudo tumonda ira.”

MENGKAAA 2:11

Isema mebiri, po'ineeomo ka ipomperorongeako hapa anu pinau-Do Penaa a luwuno bawaa: Ba isema monangi, onae nahi ta marasai hapa-hapa a matea anu kompenduano.”

MENGKAAA 2:26

Ka ba isema monangi ka weweuo anggaa-Ku hawe pokotompaano, ndi onae Aku weeakono pabawa a luwuno tongku,

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 22:12

”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

MENGKAAA 22:2

I tonga-tongano batatanano kota atuu, onaemo a mompombali wiwi ngkorono atuu, hadio keu tuwua anu mewua pempulu ka orua, sompo-sompo wula pohona; ka leweno keu atuudo pinake mompokotompa luwuno tongku.

MENGKAAA 22:7

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.