Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MENGKAAA 22:17 - Wunta Mempori

17 Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!

အခန်းကိုကြည့်ပါ။ ကော်ပီ




MENGKAAA 22:17
29 ပူးပေါင်းရင်းမြစ်များ  

Mala'eka-Do i Ue mpekema lumimbu ira mia anu dumoitoako Ira, ka do'amba mpotola ira.


Komiu memawongko mpontambu uwoi inso a mata uwoi tekaduduia.


ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”


Hei, suku inuleno i Yako, aiwa tompelempa a laro mewine-Do i Ue!


Ondae mpesikenoakono sala lumako i Sioni, i ra'aimo te'aroano rupado. Ondae me'aiwa ka tepo'asaako Ira i Ue, a laro mpedandia nahina tampulaano anu nahi ta kinolupe!


Ka i'amba wawa aku mekule a mpewowano Raha Mempori, ka mentee ntu'u, hinao uwoi meluarako inso i totono montoweano pewowa a Raha Mempori atuu ka waa te'aro i sabaano oleo, hangano Raha Mempori mbo'u me'aro i sabaano oleo. Uwoi atuu waa inso i totono koanano Raha Mempori i selatano meda pontunua pesomba.


”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”


Ana guru orua ira atuu rumongeo hapa anu pinauno atuu, ka do'amba lumako tumonda Ira i Yesu.


Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”


Motae beine atuu ndi Ondae, ”Ue, nahina pontambu-Miu ka sumuru andio ondalo ntu'u; inso i suake Ipohawe uwoi tuwu atuu?


sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”


”Ime'aiwa, mengkitao! I ra'ai hinao asa mia anu pauakune luwuakoano anu kuweweuomo. Bara'ura Ondaemo i Kerisituu atuu?”


Ka a oleo pokotompa, onaemo oleonomo ntu'u porame-ramea atuu, mentade Ira i Yesu ka Dopebooli, ”Ba isema mokoranga, ka i'aiwa ndi Ongkue ka ipo'inu!


ka hangano pompehohawa mempinokomentee iramo mpena hangano pontolosia ndi Ondae i Kerisituu Yesu.


Komba penaa i wawontolino tompontarima, sine Penaa anu te'inso ndi Ondae Ue Ala, ka tomento'orio, hapa anu Doweeakita Ue Ala.


Ka kurongeo suara inso i suruga motae: Burio, ”Meme'ura iramo mia memate anu mate a nee-Do i Ue, mompu'u kanandio-andio.” ”Mentee ntu'u,” Dopotae Penaa, ”ka imoiko dompenaa-naa inso a mpe'iseido, hangano luwuno wineweudo tumonda ira.”


Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”


Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.


Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.


Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”


Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.


”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”


Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ