MENGKAAA 22:12 - Wunta Mempori

¹² ”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

MENGKAAA 22:12 ပူးပေါင်းရင်းမြစ်များ

Ayubi 34:11

Tendeano, Ondae mohuku mia menunu wineweuno, ka weweuo mia menunu peleluno.

Po'unde-unde 28:4

Ihuku iramo montonda wineweudo ka montonda peleludo anu mosa'o; Ihuku iramo menunu saru wineweuno kaedo, Isuloako iramo hapa anu wineweudo.

Yesaya 40:10

Kitao, Ondae Ue Ala hawe saru roso ka saru kae-Do Dopokomengkaao pabawa-Do. Kitao, ondae anu megagi tambono pe'i'isei-Do kongko saru Ondae, ondae anu hinawe-Do mpelempa i aro-Do.

Yesaya 62:11

Hangano, onaemo andio anu Dopoporongeomo i Ue hawe a tompano tolino! Pauomo a ana beine Sioni: Menteeano, tekaduduiamu hawe; menteeano, ondae anu gagi tambono pe'i'isei-Do kongko saru Ondae ka ondae anu pinongko'ala-Do mpelempa i aro-Do.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Sepanya 1:14

Oleo-Do i Ue anu mongkokongiri atuu rangkuomo, rangkuomo ka haweno magasi ntu'u! Tedoa mapari pebooli a oleo-Do i Ue! Puu mpetea mbo'u mpohio i oleo atuu.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

ROMA 14:12

Kanandiomo sompo mia i oloto ta sumangki Ira Ue Ala mongkona koroino onaeno.

1 KORINTI 3:14

Tewala anggaa anu winanguno asa mia nahi mo'ai, mia atuu ta mohawe tambo.

1 KORINTI 3:8

Moiko anu mompaho maupo anu monsiwui mengkena koa; ka singge mia ta tumarimao tambono menunu saru inanggano onaeno.

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

MENGKAAA 20:12

Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 22:20

Ondae anu mesakosii mongkona luwuno andio, mepau, ”Humbee, Aku ronga hawe!” Ami, I'aiwamo, Ue Yesu!

MENGKAAA 22:7

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

MENGKAAA 3:11

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.