MENGKAAA 22:10 - Wunta Mempori

¹⁰ Ka i'amba motaeakune, ”Si tondonio luwuno pinau anu ta gagi inso a wunta andio, hangano rangkuomo tempono.

MENGKAAA 22:10 ပူးပေါင်းရင်းမြစ်များ

Yesaya 13:6

Ponsabangimo, hangano oleo-Do i Ue umpedaomo, haweno gagi pabawa pe'iwalia inso ndi Ondae Anu Tedoa Pabawa.

Yesaya 8:16

Naaomo sakosii andio ka tondoniomo pompaguru andio i olodo ana guruku.

Yehesikieli 12:23

Onaemo pu'uno pauako ira: Kanandiomo pau-Do Ue Ala: Aku mokompenaa-naao pasinggiri andio ka mia nahi ta pauo mbo'u i Isaraeli. Sine, pauako iramo: Tempono umpedaomo ka sompo pongkita ta gagi.

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Danieli 12:9

Isangki aku, ”Lakomo, Danieli, hangano pau andio ta winuni mpiha ka tetondoni hawe a mpokotompaano tempo.

Danieli 8:26

Ndio mbo'u pongkita mongkona ngkiniwia ka mo'oru atuu, hapa anu pinau atuu mentee. Sine omue, naaomo ilaro aroamu pongkita atuu, hangano pongkita atuu mongkona oleo lembuino anu da olai.”

I MATIU 10:27

Hapa anu pinau-Ku a laro wongi-wongi, imempauomo atuu a mewineano; ka hapa anu pinetanga-tangaako a birimiu, imempaleleomo atuu inso a wawo atono raha.

ROMA 13:11

Mongkona andio asalakono ka imeweweuo, hangano imento'orio tempo kanandio-andio, onaemo nine haweomo tempono ka impewangu umari mpoturi. Hangano kanandio-andio tekaduduiato rangkuomo susua sekonopo tempono tomegagi mpompe'ala-ala.

ROMA 13:12

Tehineomo wongi, tamo ronga meene. Onaemo pu'uno aiwamo ka tomebintao luwuno wineweu wongi-wongia ka tompokonao parewa mpetea mewine!

2 TESALONIKA 2:3

Maupo ba kana'umpe si mebehe dompopo'oo komiu mia! Hangano se'eluno Oleo atuu asalakono hawe se'elu pepoura ka asalakono pinokomengkaa se'elu mia mo'ewai songka, anu asalakono mate,

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:3

Me'uraomo onae anu basao ka ondae anu mperorongeakono luwuno pau anu ta gagi andio, ka anu tumondao hapa anu teburi i larono, hangano tempono umpedaomo.

MENGKAAA 10:4

Ka mansano opitu rundu anu umari mepau, aku burio, sine kurongeo aasa suara inso i suruga mepau, ”Tondoniomo hapa anu pinaudo opitu rundu atuu ka si burio!”

MENGKAAA 22:16

”Ongkue, i Yesu, montena Akumo mala'eka-Ku ka dompesakosii mongkona luwuno andio ndi omue tiado bawaa. Ongkuemo tumba, onaemo inuleno i Daudi, buntala anu mewanta ntu'u.”

MENGKAAA 22:18

Mesakosii aku a sompo mia anu rumongeo luwuno pinau anu ta gagi inso a wunta andio, ”Tewala asa mia tumiangiakono hapa a luwuno pau andio, asalakono Ondae Ue Ala Ira tumiangiakono luwuno masolaa anu teburi a wunta andio.

MENGKAAA 22:20

Ondae anu mesakosii mongkona luwuno andio, mepau, ”Humbee, Aku ronga hawe!” Ami, I'aiwamo, Ue Yesu!

MENGKAAA 22:7

”Menteeano Aku ronga hawe. Me'uraomo mia anu tumondao luwuno pinau anu ta gagi a wunta andio!”

MENGKAAA 22:9

Sine ipotaeakune, ”Si poweweu kanandio! Ongkue onaemo ata, mengkena kana omue ka luwuno pepaekompomu, luwuno nabi ka luwudo anu mentondao luwuno pauno wunta andio. Pesombai Iramo Ue Ala!”

MENGKAAA 5:1

Ka kukitao a ngkae ngkoana-Do anu mentoro a wawo ngkadera poparentaa atuu, aasa paluluno wunta, anu binuri i larono ka i bungkuno ka tinondoniako opitu pontondoni.