MENGKAAA 21:5 - Wunta Mempori

⁵ Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 21:5 ပူးပေါင်းရင်းမြစ်များ

Yesaya 42:9

Mongkona anu pinau i ndi'ipua kanandio-andio gagiomo mengkaa, mongkona anu wo'ohu Aku pauo. Se'eluno ipe'umbaako mongkona atuu, Aku mopoto'oriakomu.”

Yesaya 43:19

Kitao, Aku weweuo asa anu wo'ohu, anu kanandio-andio tuwuomo, naapoke imento'orio? Oo, Akumo moweweu sala i pada one ka hadio korono a mpada malua.

I LUKASI 5:38

Sine anggoro anu da sarai asalakono ninaa a laro ngkadu anu wo'ohu mbo'u.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

IBARANI 12:27

Pau ”Pohonapo mbo'u” tumisoo tebalia a hapa anu pinokolelu, hangano onae pinokogagi ka ipo'ia mpiha hapa anu nahi telelu.

MENGKAAA 1:11

ipotae, ”Hapa anu kinitamu, buriomo a aasa wunta ka oliwiako iramo opitu bawaa andio: i Epesu, i Semirina, i Peregamusu, i Tiatira, i Saradisi, i Piladepia ka i Laodikia.”

MENGKAAA 1:19

Onaemo pu'uno buriomo hapa anu ukitaomo, moiko anu gagi kanandio-andio maupo anu ta gagi umarino andio.

MENGKAAA 19:9

Ka i'amba motaeakune, ”Buriomo: Meme'ura iramo anu me'inolu a mpelimbua petaoa-Do Ana Bimba.” Ipotaeakune mbo'u, ”Pau andio mentee, luwuno pau inso ndi Ondae Ue Ala.”

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 22:19

Ka tewala asa mia hinao inoninino inso a luwuno pau a wunta pinau anu ta gagi andio, asalakono Ondae Ue Ala Ira umalao tiano inso a ngkeu tuwua ka inso a ngkota mempori, kana anu teburi a wunta andio.”

MENGKAAA 22:6

Ka Do'amba motaeakune, ”Luwuno pau andio kona ntu'u ka mentee, ka Ondae i Ue, Ue Ala anu mompowee penaa a luwuno nabi, montena Iramo mala'eka-Do ka dotisoako ira tetenaa-Do hapa anu asalakono ronga gagi.”

MENGKAAA 4:2

Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.

MENGKAAA 4:9

Ka luwuno anu tuwu atuu sompo dompompesombaako po'unde-unde, ka pompelangkai ka pontarimakasi ndi Ondae, anu mentoro a wawo ngkadera poparentaa atuu ka anu tuwu ranta nahina tampulaano,

MENGKAAA 5:1

Ka kukitao a ngkae ngkoana-Do anu mentoro a wawo ngkadera poparentaa atuu, aasa paluluno wunta, anu binuri i larono ka i bungkuno ka tinondoniako opitu pontondoni.