MENGKAAA 21:4 - Wunta Mempori

⁴ Ka Ira pahihio luwuno uwoi mata inso a matado, ka matea nahi ta hina mbo'u; nahi ta hina mbo'u po'inomboa, ke ponsabangi, ke pompemasusa, hangano luwuakoano anu tehine atuu telaloomo.”

MENGKAAA 21:4 ပူးပေါင်းရင်းမြစ်များ

Po'unde-unde 144:4

Mia mengkena kana angi anu mepuuri, luwuno oleo ntuwuno kana eo-eo anu telalo.

Yesaya 25:8

Matea nahi Ira mokohinao mbo'u; ka Ondae Ue Ala Ira pahihio uwoi mata inso a luwuno rupa; ka mokoko'iiado bawaa-Do Ira moko'olaio inso i asa wawontolino, hangano Dopauomo i Ue.

Yesaya 30:19

Mentee ntu'u, hei tongku i Sioni anu mpo'ia i Yerusale, nahi komengese mpiha. Menteeano, Ondae i Ue Ira mehohawako, tewala omue meboo-booli; i tempono Dorongeo peboolimu, Ira sumangki.

Yesaya 35:10

mia anu mempinotola-Do i Ue ira mpekule ka mpewinso i Sioni saru mengkokora-kora, po'unde nahina tampulaano ta gagi peramba-ramba uludo; mawongkoa ka po'unde ta buke ndi ondae, masusa ka pompemasusa me'olaiako.

Yesaya 51:11

Luwuno mia anu pinotola-Do i Ue ira mpekule ka mpewinso i Sioni mengkokora-kora mawongko, po'unde nahina tampulaano ta gagi peramba-ramba uludo; mawongkoa ka po'unde ta buketi ira, masusaa ka pompemasusa me'olaiako.

Yesaya 60:20

Ndi omue ta hina mata'oleo anu nahi hori sumoo ka wula anu nahi hori sumoo, hangano Ondae i Ue Ira gagi pokomewinemu anu nahi bali, ka luwuno oleo po'inombomu ta menaa-naa.

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yeremia 31:13

I tempo atuu ana beine ta mo'unde mo'ense-ense, meronga luwuno mia mongura ka luwuno mia mota'u ira memawongko. Aku balio masusado gagi mawongko, Ira montarero ka weweu ira memawongko tola inso a pompemasusado.

Hosea 13:14

Nde Aku motola ira ke inso a mpabawano tolinodo mia mate? Nde Aku tumolosi irake inso a matea? Isuaomoke haki lelemu, hei matea, isuaomoke poropumu, hei tolinodo mia mate? Mata-Ku tetutuwi tiano pompehohawa.

I MATIU 24:35

Langi ka tolino ta moliu, sine pau-Ku nahi ta moliu.

1 KORINTI 15:26

Iwali anu poko'ariano, anu pinokotampula onaemo matea.

1 KORINTI 7:31

owowaano luwuno mia anu mompake parewa ntolino kana poore komba domempakeo. Hangano wawontolino anu tomento'orio kanandio-andio ta tampula.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

2 KORINTI 6:17

Onaemo pu'uno: Impeluarakomo inso i olodo, ka impensuaako iramo, pau-Do i Ue, ka si mpo'angga anu mokoburu, ka Aku tumarima komiu.

IBARANI 12:27

Pau ”Pohonapo mbo'u” tumisoo tebalia a hapa anu pinokolelu, hangano onae pinokogagi ka ipo'ia mpiha hapa anu nahi telelu.

2 PETURU 3:10

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

1 YOHANE 2:17

Ka wawontolino andio tekonai moliu saru minosisiriakono, sine mia anu weweuo po'ehe-Do Ue Ala tuwu mpiha nahina tampulaano.

MENGKAAA 20:13

Ka tahi meweengako ira mia memate anu mekongko i larono, ka matea ka poparentaano matea meweengako ira mia memate anu kongko i larono, ka ondae mebinitara singge mia montonda wineweuno.

MENGKAAA 20:14

Ka i'amba matea ka poparentaano matea atuu pinetadiako iramo a laro ntahi api. Onaemo atuu matea anu ko'orua: tahi api.

MENGKAAA 21:1

Ka ku'amba kumitao langi anu wo'ohu ka tolino anu wo'ohu, hangano langi anu amba-ambano ka tolino anu amba-ambano moliuomo, ka maupo tahi nami hina mbo'u.

MENGKAAA 22:3

Ka nahi ta hina mbo'u pontutundali. Kadera poparentaa-Do Ue Ala ka kadera poparentaa-Do Ana Bimba ta kongko i larono ka luwuno tetenaa-Do ira mpesomba ndi Ondae,

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”