MENGKAAA 21:10 - Wunta Mempori

¹⁰ Ka i'amba a laro penaa iwawa aku a wawo aasa torukuno anu langkai ka ondau ka itisoakune kota anu mempori atuu, Yerusale, metii inso i suruga, inso ndi Ondae Ue Ala.

MENGKAAA 21:10 ပူးပေါင်းရင်းမြစ်များ

1 Mokole 18:12

Bara'ura ta gagi, tempono kulako inso ndi omiu, Penaa-Do i Ue tumande komiu a mpo'ianga anu nahi kuto'orio. Tewala hawe aku pauakono i Ahabi ka nahi hawe komiu, manasaomo ta mepate aku, kahinaano atamiu andio mompu'u da kodei dumoitoako Ira i Ue.

2 Mokole 2:16

Mpotae ira ndi onae, ”Kitao! I olodo atamiu andio hinao lima pulu tama anu moroso ka mosia. Po'ineeomo ka domelako me'ungkeo uemiu ba mansa Penaa-Do i Ue tumandeo ka metadiakono a asa wawono torukuno ke a asa lembono.” Sumangki i Elisa, ”Siimo tena ira melako!”

Yehesikieli 11:1

Ka i'amba Penaa-Do i Ue tumande aku ka wawa aku a mpewowa langkai i sabaano oleo Raha-Do i Ue, pewowa anu me'aro i sabaano oleo. Kitao, a mpewowa langkai atuu hinao rua pulu ka olima mia ka i olodo kukitao i Ya'asana anano i Asuri ka i Pelatia anano i Benaia, luwuno petewawa tongku.

Yehesikieli 11:24

Penaa-Do i Ue atuu tumande aku ka wawa aku mekule, a laro pongkita inso a Mpenaa-Do Ue Ala, i wita Kasidimi a luwuno mia mentinadi. Ka i'amba pongkita anu kinitaku atuu moliu inso ndi ongkue.

Yehesikieli 3:14

Penaa-Do i Ue tumande aku ka wawa aku. Ongkue lumako saru aroa nahi sanaa ka mokula aroa, hangano kae-Do i Ue moroso dumadai aku.

Yehesikieli 8:3

Ondae tumasiakono asa anu tadeno kana kae ka Do'inio wuu a uluku. Ka i'amba Penaa-Do i Ue atuu tumande aku i olono langi ka tolino saru wawa aku a laro luwuno pongkita-Do Anu Pabawa i Yerusale umpeda pewowa langkaino kintala i larono anu me'aro i utara, i ra'ai po'iangano lahumoa, anu mokomahaki aroa.

WINEWEUDO TINENA 8:39

Ka mansado me'engkahako inso a uwoi, borono Penaa molaiakono i Pilipu ka nami kitao mbo'u anu langkai potorono atuu. Ipotilaloakono pelempaano saru mo'unde.

GALATIA 4:26

Sine Yerusale nsuruga onaemo beine anu maradeka, ka onaemo ineto.

MENGKAAA 1:10

A oleo-Do i Ue Dopabawai aku Penaa ka kurongeo inso i bungkuku aasa suara anu meroku, kana unino tawuwua,

MENGKAAA 11:2

Sine sangkadio kintalano Raha Mempori anu i te'alaako i bungkuno, si songkao, hangano onae wineeako iramo tongku susua ka ira melolandao kota Mempori pato pulu ka orua wula tehineno.”

MENGKAAA 17:3

A laro Penaa Dowawa aku i pada one. Ka kukitao aasa beine mesawi a wawo aasa kondehora anu motaha wungo, anu buke teburiako nee pompepaukiako. Kondehora atuu hinao opitu uluno ka hopulu tanduno.

MENGKAAA 21:2

Ka kukitao kota anu mempori, Yerusale anu wo'ohu, metii inso i suruga, inso ndi Ondae Ue Ala, anu meramba-ramba kana umbu ngkoroi beine anu meparakai tiano tamano.

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.

MENGKAAA 4:2

Rongaomo Dopabawai aku Penaa ka kukitaomo, hiano aasa kadera poparentaa i suruga, ka a ngkadera poparentaa atuu mentoro Asa Mia.