MENGKAAA 21:1 - Wunta Mempori

¹ Ka ku'amba kumitao langi anu wo'ohu ka tolino anu wo'ohu, hangano langi anu amba-ambano ka tolino anu amba-ambano moliuomo, ka maupo tahi nami hina mbo'u.

MENGKAAA 21:1 ပူးပေါင်းရင်းမြစ်များ

Yesaya 27:1

I tempo atuu Ondae i Ue Ira weweuo pohuku mompake ponai-Do anu montaso, langkai ka moroso a Lewiata, ule anu molore, a Lewiata, ule anu monggelo-nggelo, ka Ira mepateo ule naga anu a ntahi.

Yesaya 51:11

Luwuno mia anu pinotola-Do i Ue ira mpekule ka mpewinso i Sioni mengkokora-kora mawongko, po'unde nahina tampulaano ta gagi peramba-ramba uludo; mawongkoa ka po'unde ta buketi ira, masusaa ka pompemasusa me'olaiako.

Yesaya 57:20

Sine, mia mosa'o gaudo kana tahi anu mebomba, hangano nahi pokorodo mpiha, ka uwoino mompepasiako rompo ka rege.

Yesaya 66:22

Hangano, mengkena kana langi ka tolino anu wo'ohu anu Aku mokogagio atuu, mo'ia mpiha i aro-Ku, kanandiomo pau-Do i Ue, kanatuumo inulemiu ka neemiu ta mo'ia mpiha.

Danieli 7:3

ka opaa kondehora langkai mewuatako inso a laro ntahi, anu asa teposisingge saru anu susua.

ROMA 8:21

sine a laro pomperorohia, hangano anu mentuwu atuu ira koa mbo'u mempinokomaradeka inso a pompe'atano matea ka dompewinso a meredeaa marambado ana-Do Ue Ala.

2 PETURU 3:10

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

2 PETURU 3:13

Sine menunu saru dandi-Do, tomensikorio langi anu wo'ohu ka tolino anu wo'ohu, po'iangano menteea.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 21:5

Ondae anu mentoro a wawo ngkadera poparentaa atuu mepau, ”Kitaomo, Kupokogagio luwuakoano wo'ohu!” Ka pau-Do, ”Buriomo, hangano luwuno pau andio kona ntu'u ka mentee.”

MENGKAAA 6:14

Ka tenonoomo langi kana paluluno wunta anu pinalulu ka tepaheomo luwuno torukuno ka togo inso a mpo'iangano.