MENGKAAA 20:9 - Wunta Mempori

⁹ Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,

MENGKAAA 20:9 ပူးပေါင်းရင်းမြစ်များ

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

2 Mokole 6:15

Mansano mewangu puu mpopekakaakono tetenaa-Do Ue Ala mo'o-mo'oru ka ilako i bungkuno, tengkitaomo bawaano sorodadu saru ngara ka kareta limbu kota atuu. Ka i'amba atano atuu motaeakono, ”Masola kitamo, ueku! Hapa anu asalakono kita weweuo?”

Ayubi 38:18

Nde upokonto'orioke maluano tolino? Pokomengkaaomo, tewala uto'orio luwuno atuu.

Po'unde-unde 106:18

Api melanga a mpenggowoado, langano api mokomo'aio luwuno mia mosa'o gauno atuu.

Po'unde-unde 87:2

Dokekewoiopo i Ue luwuno pewowa langkaino Sioni sekonopo luwuno po'iangano i Yako.

Po'unde-unde 97:3

Api melele i aro-Do, ka mokomo'ai ira iwali anu lumimbu Ira.

Yesaya 30:33

Hangano inso i ndi'ipua inatoraomo po'ianga pontunua, anu mbo'u pinatindaako mokole, pompotuwua api wineweu ondalo ka malua, buke api ka keu; penaa-Do i Ue mokomo'aio kana korono walira.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 38:22

Aku humukuakono haki lele ka rea. Aku mompotii usa marombo, usa seru baku, api, ka walira i wawono, a wawo nsorodaduno, ka a wawo hadio tongku anu tumondao.

Yehesikieli 38:9

Omue me'umbaako kana angi mokora ka aiwa kana seru anu tumutuwio asa wawontolino, omue saru luwuno bawaano sorodadumu; hadio tongku tumondako.

Yehesikieli 39:6

Aku mompotii api i wawono Magoge ka a luwuno mia anu manangai dompo'ia i wita wiwi ntahi. Ka ira mento'orio nine Ongkuemo Ue.

Mika 2:13

Mia mperumpa ta lumako i arodo; ira mperumpa ka mpelempa melaloo pewowa langkai ka mpeluarako inso i tu'ai. Mokoledo ta melempa mpiha i arodo, Ondae i Ue petewawano baresido!

Habaku 1:6

Hangano menteeano, Aku montade ira to Kasidimi, tongku anu lambaha ka ineheno matea atuu, anu sumompoo luwuno siuno tolino ta mompentoroki po'ianga, anu komba ondae ueno.

Podoaa 11:1

Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

I LUKASI 17:29

Sine a oleo ipeluarako i Lo'oti inso i Sodomo metiiomo usa api ka usa walira inso i langi mepate ira luwu.

I LUKASI 19:43

Hangano ta hawe oleono, nine iwalimu ira melimbuakomu bente, ka do'amba mengkaduko ka me'asiko inso a luwuno siuno,

I LUKASI 21:20

”Tewala imengkitao Yerusale domengkaduo sorodadu, imento'oriomo, nine tekaleano rangkuomo.

I LUKASI 9:54

Tempono orua ira ana guru-Do, onaemo i Yakobu ka i Yohane kumitao teweweu atuu, dopotae, ”Ue, behe Komiuke, ka kimpotena api metii inso i langi ka ipepate ira?”

Winali 23:14

Hangano Ondae i Ue, Ue Alamu melempa inso i tonga-tongano pekemaamu Ira motolako ka meweengakono iwalimu ndi omue. Asalakono pekemaamu atuu mempori, kasi Dopongkita hapa anu nahi penunu i olomu, ka Dopebungkuiko.”

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

IBARANI 13:13

Onaemo pu'uno aiwamo ka tomelako ndi Ondae i bungkuno pekemaa ka mentembio tekoko'ii-Do.

MENGKAAA 11:5

Ka tewala hinao mia anu mingki mokomahaki ira, meluarakoomo api inso a ngangado mokomo'aio luwuno iwalido. Ka tewala hinao mia anu mingki mokomahaki ira, ka mia atuu asalakono mate kanatuu.

MENGKAAA 13:13

Ka ipokohina ira petondoni anu mongkokongiri, maupo api ipotiio i tolino inso i langi i arono matado luwuno mia.