MENGKAAA 20:4 - Wunta Mempori

⁴ Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 20:4 ပူးပေါင်းရင်းမြစ်များ

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Danieli 7:22

ranta ka Dohawe Anu Tende Ntinuwu atuu ka moleoa wineeako a luwuno mia mempori-Do Anu Tedoa Mantande ka hawe tempono mia mempori atuudo me'inio poparentaa.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Danieli 7:9

Kontongaaku mpiha mengkita, kadera poparentaa meninaa, ka i'amba mentoroomo Anu Tende Ntinuwu. Sangka-Do mopute kana seru baku ka wuu-Do morina kana wulu bimba. Kadera poparentaa-Do inso a langano api saru luwuno rodano inso a api anu kontongaano tensila.

Maleaki 4:5

Menteeano Aku tumenao nabi Elia aiwa ndi omiu tewala tamo hawe oleo-Do i Ue anu langkai ka mongkokongiri atuu.

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

I MATIU 24:10

ka ta hadio mia anu mebungkui Ira Ue Ala ka ira mambe peweengako ka mambe o'aliaako.

I MARAKUSU 6:16

Tempono irongeo i Herode mongkona atuu, ipotae, ”Naahi, onae atuu i Yohane anu ku'impahiomo uluno, ka wali mewangu.”

I MARAKUSU 6:27

Mopari-pari mokole tumenao asa mia puu mpodagaino ka iparentao umalao uluno i Yohane. Mia atuu lumako ka i'impahio uluno i Yohane a torungku.

I MARAKUSU 9:11

Ka do'amba mpesikeno ndi Ondae, ”Tembio anu mponto'ori Taura ka dompotae, nine i Elia asalakono hawe se'elu?”

I LUKASI 1:17

ka onae ta melempa mese'elungi Ira i Ue a laro mpenaa ka pabawano i Elia ka iweweuo aroado luwuno ama mpepokule a luwuno anado ka aroado mia me'ewa a mpinewowolodo mia mentee ka hangano kanandio patindaako Ira i Ue aasa bawaa anu mpompe'ala-ala ndi Ondae.”

I LUKASI 14:14

Ka kome'ura, hangano nahina hapa-hapa ira mensuloakomu. Hangano komohawe sulono a oleo pewanguado mia mentee.”

I LUKASI 22:30

nine komiu mpongkaa ka mpo'inu mpe'asa meda saru Ongkue a laro Poparentaa-Ku ka komiu mpentoro a wawo ngkadera poparentaa bitara ira hopulu ka orua suku Isaraeli.

I YOHANE 14:19

Saraimo koa ka nahi ta kumita Aku mbo'u wawontolino, sine omiu imengkita Aku, hangano Ongkue tuwu ka omiu mbo'u komiu mentuwu.

ROMA 11:15

Nde tewala nahi domentarimao pengkonaano sintuwua i wawontolino, polioke pontarimado hinao pengkonaano susua sekono tuwu inso i olodo mia mate?

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

2 TIMOTIU 2:12

tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

MENGKAAA 1:2

I Yohane mesakosiiomo mongkona pau-Do Ue Ala ka mongkona anu sinakosii-Do i Yesu Kerisituu, onaemo luwuakoano anu ikitaomo.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 11:11

Otolu ka entonga oleo lembuino mewinsoomo penaa tuwua inso ndi Ondae Ue Ala i larodo, onaemo ka dopewangu ka luwuno mia anu mengkita ira gagi tedoa medoito.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

MENGKAAA 11:7

Ka tewala dopoko'umariomo ponsakosiido, ka kondehora anu mesabaako inso a wingke matea, ta meteaako ira ka inangi ira saru mepate ira.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 14:11

Ka ahuno api anu bobarasai ira atuu mewuatako i wawono hawe nahina tampulaano, ka meene wongi nahi dompenaa-naa binobarasai, onaemo ondae anu mpesombaio kondehora saru tinaha atuu, ka ba isema anu montarimaomo tondonino neeno.”

MENGKAAA 15:2

Ka kukitao aasa kana tahi tami malua mesalo api, ka i wiwino tahi tami malua atuu mentade ira mia anu menangiomo kondehora atuu ka tinahano ka doano neeno. Ndi ondae hinao katapi-Do Ue Ala.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 2:26

Ka ba isema monangi ka weweuo anggaa-Ku hawe pokotompaano, ndi onae Aku weeakono pabawa a luwuno tongku,

MENGKAAA 20:6

Me'uraomo ka memporiomo onae, anu mohawe tia a mpewangua amba-ambano atuu. Matea anu kompenduano nahina mbo'u pabawano ndi ondae, sine ira megagi sando mpesomba-Do Ue Ala ka i Kerisituu, ka ira mpomparenta kana mokole meronga saru Ondae, asa nsowu ta'u tehineno.

MENGKAAA 22:5

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 4:4

Ka lumimbuo kadera poparentaa atuu hinao ruapulu ka opaa kadera poparentaa, ka a luwuno kadera poparentaa atuu mpentoro ruapulu ka opaa mia pinemota'u, anu mpesangka mopute ka ramba-ramba ulu wulaa i uludo.

MENGKAAA 6:9

Ka tempono Ana Bimba atuu umungkahio pontondoni anu ko'olima, kukitao i totono meda pontunua pesomba luwuno sumangado anu mempinepate iramo hangano pau-Do Ue Ala ka hangano ponsakosii anu ininido.

MENGKAAA 7:3

ipotae, ”Si mensolangio tolino ke tahi ke luwuno keu ba napi kimentondoni ira tetenaa-Do Ue Alamami a ra'ido!”