MENGKAAA 20:2 - Wunta Mempori

² irakoo naga, i ule mota'u atuu, onaemo i Mosa'o ka i Satani. Ka iponguo asa nsowu ta'u tehineno,

MENGKAAA 20:2 ပူးပေါင်းရင်းမြစ်များ

Tegagia 3:1

Ule onaemo anu lalu pande i olono luwuno kondehora mo'ila anu pinokogagi-Do Ue Ala. Ule motaeakono beine atuu, ”Manasa Ondae Ue Ala mepau, ’Si kaano wuano luwuno keu a bonde andio,’ menteeke?”

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Ayubi 1:7

Mesikeno Ira i Ue ndi Mosa'o, ”Inso isuake omue?” Sumangki i Mosa'o ndi Ondae i Ue, ”Inso a mpelempaa sumompoo tolino.”

Yesaya 24:22

Ondae ira mepinumpu mperonga-ronga, kana mia tinaha wininso a laro ngkeke; ondae ira mewininso a laro torungku ka ta hinuku umarino tempo anu tehine.

Yesaya 27:1

I tempo atuu Ondae i Ue Ira weweuo pohuku mompake ponai-Do anu montaso, langkai ka moroso a Lewiata, ule anu molore, a Lewiata, ule anu monggelo-nggelo, ka Ira mepateo ule naga anu a ntahi.

Yehesikieli 47:5

Onae mosongka asa nsowu hiku mbo'u, kanandio-andio uwoi atuu gagiomo korono anu nahi kupokosakio. Hangano, uwoi atuu ko'onda-ondalono ranta ka dompokomensowe mia, aasa korono anu nahi pinokosaki.

I MATIU 19:29

Ka sompo mia anu hangano nee-Ku ka ibintao rahano, pepaekompono tama ke beine, ama ke ineno, luwuno anano ke lereno, ta wali tumarimao meluka asa etu ka ta mohawe tuwua anu nahina tampulaano.

I MATIU 8:29

Ka mebooli iramo, dopotae, ”Hapa I'ungkeakami, hei Ana-Do Ue Ala? Nde onaeke I'aiwaako ramai Komiu bobarasai kami napi tempono?”

I MARAKUSU 4:15

Mia anu a wiwi nsala, porawoa pau-Do i Ue atuu, ondaemo anu merongeo pau-Do i Ue, ka i'amba haweomo i Mosa'o ka i'alao pau anu da iaopo irinawo ndi ondae.

I MARAKUSU 5:7

ka meroku ikokora-kora, ”Hapa ta mbinio-Miu ndi ongkue, hei Yesu, Ana-Do Ue Ala Anu Lalu i wawono? A nee-Do Ue Ala, si bobarasai aku!”

I YOHANE 12:31

Kanandio-andio kontongaano binitara wawontolino andio: kanandio-andio anu pabawa i wawontolino andio ira mentinende i bungkuno;

I YOHANE 16:11

mongkona pobitaraa, hangano anu pabawa i wawontolino andio hinukuomo.

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

2 PETURU 2:4

Hangano tewala Ondae Ue Ala nahi Dopehohawa ira mala'eka anu mpoweweu hala sine metadiako ira a laro naraka ka ba kanandio meweengako ira a laro ngkunepo anu wongi-wongi ka domeninaa hawe a oleo pobitaraa;

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 12:13

Ka tempono ipokonto'orio naga atuu, nine onae pinetadiakoomo i wawontolino, ilampuio beine anu me'anaakono Ana ntama atuu.

MENGKAAA 12:15

Ka i'amba ule atuu mewurosiako uwoi inso a ngangano, kana langkaino korono, te'aro a beine atuu, ka ipolomoo korono atuu.

MENGKAAA 12:17

Onaemo ka itekuda naga atuu a beine atuu, ka i'amba lumako meteaakono inuleno anu susua, anu mentondao luwuno songka-Do Ue Ala ka me'inio ponsakosii-Do i Yesu.

MENGKAAA 12:3

Ka tengkitaomo aasa petondoni anu susua i langi; ka kitaomo, aasa naga motaha ntu'u anu langkai, me'ulu opitu ka metandu hopulu, ka a wawo uluno hinao opitu ramba-ramba ulu.

MENGKAAA 12:4

Ka ikino rumendeo asa ntia otolu inso a luwuno anano wula i langi ka metadiakono i wawontolino. Ka naga atuu mentade i arono beine anu ta me'ana atuu, ta tumeleo Anano, sa'umarino beine atuu me'anaako Ira.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:2

Kondehora anu kinitaku atuu mengkena kana nggapu langkai meboti-boti, ka karuno kana karuno berua ka ngangano kana ngangano singa. Ka naga atuu moweeakono rosono, ka kadera poparentaano ka pabawano anu langkai.

MENGKAAA 13:4

Ka dompesombaio naga atuu, hangano ipoweeakono pabawa a ngkondehora atuu. Ka dompesombaio kondehora atuu, saru mpotae, ”Isemake anu mengkena kana kondehora andio? Ka isemake anu mokompetea umewaio?”

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 20:7

Ka mansano tampulaomo tempo asa nsowu ta'u atuu, i Mosa'o ta pinotola inso a torungkuno,

MENGKAAA 9:11

Ka mokole anu parenta ira onaemo mala'ekano wingke matea; neeno a mpau Ibarani onaemo Abadoni ka a mpau Yunani onaemo Apolioni.