MENGKAAA 20:12 - Wunta Mempori

¹² Ka kukita ira mia memate, langkai ka kodei, mpentade i arono kadera poparentaa atuu. Ka i'amba winile luwuno wunta. Ka winile mbo'u aasa wunta susua, onaemo wunta tuwua. Ka mia memate binitara montonda wineweudo, me'empehiako hapa anu hinao teburi i larono wunta atuudo.

MENGKAAA 20:12 ပူးပေါင်းရင်းမြစ်များ

Po'unde-unde 28:4

Ihuku iramo montonda wineweudo ka montonda peleludo anu mosa'o; Ihuku iramo menunu saru wineweuno kaedo, Isuloako iramo hapa anu wineweudo.

Po'unde-unde 62:12

Asa rupa Dopauo Ue Ala, orua rupa kurongeo: nine roso kongko ndi Ondae Ue Ala,

Po'unde-unde 69:28

Itiangiomo sala a nsala poweweudo, ka si mansa Ipokomentee ira!

Powadi 24:12

Tewala omue mepau, ”Mentee ntu'u nahi kimento'orio mongkona atuu!” Ondae anu paresao aroa nde nahi Dopokonto'orioke? Ondae anu dumagaio sumangamu nde nahi Doto'orioke, ka sumuloakono mia montonda wineweuno?

Powadi 24:29

Si pepau, ”Kana'umpe ipokoko'ii aku, kanatuu kupokoko'iio. Aku mombalo a mia menunu saru wineweuno.”

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Danieli 7:10

Asa korono api me'umbaako ka waa inso i aro-Do. Sowu-sowuno mekakaako Ira, ka mapasowu-sowu mpentade i aro-Do. Ka i'amba mentoroomo Majelisi Puu mpobitara ka mewinile iramo Wunta.

I MATIU 11:22

Sine Kupauakomiu: A oleo pobitaraa tembiado Tirusi ka Sidoni ta lalu monongkoopo sekono tembiamiu.

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I LUKASI 10:20

Sine maupo kanatuu si mpo'unde hangano onitu nsa'o atuudo mpe'urumako ndi omiu, sine impo'undemo hangano neemiu hinao teburi i suruga.”

WINEWEUDO TINENA 24:15

Ongkue momperorohi ndi Ondae Ue Ala, mengkena koa mbo'u kana ondae, nine ta hina pewanguado luwuno mia mate, moiko mia anu mentee maupo mia anu nahi mentee.

ROMA 2:6

Ira sumuloakono sompo mia montonda wineweuno,

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

MENGKAAA 11:18

ka luwuno tongku ntekuda iramo, sine haweakoomo tekuda-Miu ka tempono ka domebinitara mia mate ka domewineeako tambodo tetenaa-Miu, luwuno nabi ka mia memempori ka ndi ondae anu medoitoakono nee-Miu, a luwuno mia kodei ka luwuno mia langkai ka rumopuo ba isema anu rumopuo tolino.”

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 17:8

Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.

MENGKAAA 19:5

Ka terongeomo aasa suara inso a ngkadera poparentaa atuu, ”Unde-unde Iramo Ue Alato, hei omiu luwuno tetenaa-Do, omiu anu medoitoako Ira, moiko kodei maupo langkai!”

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

MENGKAAA 20:13

Ka tahi meweengako ira mia memate anu mekongko i larono, ka matea ka poparentaano matea meweengako ira mia memate anu kongko i larono, ka ondae mebinitara singge mia montonda wineweuno.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 22:12

”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.