MENGKAAA 2:5 - Wunta Mempori

⁵ Onaemo pu'uno pewowoloomo tedontakomo tedoa ondalo! Tepidimo ka weweuomo mbo'u hapa anu wineweumu amba-ambano. Tewala nahi kanandio, Aku aiwa ndi omue ka Aku umalao karuno hulumu inso a mpo'iangano, tewala nahi utepidi.

MENGKAAA 2:5 ပူးပေါင်းရင်းမြစ်များ

Yesaya 1:26

Aku mokule ira puu mpobitaramu kana i ndi'ipua, ka luwuno puu pompatudu kana se'eluno. Umarino atuu omue konineeako kota moleoa, kota anu metenunu.”

Yesaya 14:12

”Bee, tedontakomo inso i langi, hei Anano wula i Sabaano Oleo, Ana ntamano Towea, umarikomo pinepasiako a wita, hei poponangi a luwuno tongku!

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 36:31

Komiu nterorambe a mpelelumiu anu mosa'o ka wineweumiu anu nahi moiko. Komiu memokoburuakono koroimiu hangano sala ka wineweumiu anu mokoburu.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Maleaki 3:4

Pesombano Yehuda ka Yerusale ta mokomawongkoo aroa-Do i Ue kana luwuno oleo i ndi'ipua anu telaloomo ka kana luwuno ta'u i ndi'ipua anu telaloomo.

Maleaki 4:6

Onae ta weweuo aroano luwuno ama mepokule a anano ka aroano luwuno ana te'aro ndi amano ka si Kuhawe rumawo-rawoo tolino.

I MATIU 5:14

Omiumo mewineno tolino. Kota anu kongko a wawo ntorukuno nahi ta tewuni.

I MATIU 5:15

Kanandio koa mbo'u mia nahi pompokomelanga hulu ka i'amba numaao a ntoto ganta, tendeano a wawo karuno hulu ka iwantahio luwuno mia a laro raha atuu.

I MARAKUSU 12:9

Kanandio-andio hapa ta wineweuno anu me'umbuo lere anggoro atuu? Onae ta aiwa ka mepate ira anu mpo'angga lere atuu, ka i'amba me'ala-alaakono lere anggoro atuu a mia.

I LUKASI 1:17

ka onae ta melempa mese'elungi Ira i Ue a laro mpenaa ka pabawano i Elia ka iweweuo aroado luwuno ama mpepokule a luwuno anado ka aroado mia me'ewa a mpinewowolodo mia mentee ka hangano kanandio patindaako Ira i Ue aasa bawaa anu mpompe'ala-ala ndi Ondae.”

I LUKASI 20:16

Onae ta aiwa ka mepate ira anu mpo'angga lere atuu, ka me'ala-alaakono lere anggoro atuu a mia susua.” Rumongeo atuu dompotae, ”Osi'i ntu'u!”

GALATIA 5:4

Omiu mentola inso ndi Ondae i Kerisituu, tewala mpomperorohi komiu menteea hangano songka Taura; mentuwu komiu i bungkuno pompehohawa.

PILIPI 2:15

ka si hina tataamiu, gagi ana-Do Ue Ala anu nahina tataano i tonga-tongado mia anu memolengku aroado ka anu ntepopo'oo andio, ranta ka imemewanta i olodo kana luwuno anano wula i wawontolino,

IBARANI 10:32

Impewowoloomo tempo anu telalo. Umarimiu mentarimao mewine, hadio pinemarasaimiu hangano mpekorahako komiu a mpeteahako anu mobea,

2 PETURU 3:17

Sine omiu, pepaekompo anu kinekewoiku, imento'oriomo se'eluno mongkona andio. Onaemo pu'uno impetangkoromo, ka si ntetonda a ntesosaelodo mia anu nahi domponto'ori songka, ka si tetadi pe'iniamiu anu moroso.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,

MENGKAAA 1:20

Ka rahasiano opitu anano wula anu ukitaomo a ngkae koana-Ku ka opitu karuno hulu wulaa atuu: opitu anano wula atuu onaemo mala'ekado opitu bawaa ka opitu karuno hulu atuu onaemo opitu bawaa.”

MENGKAAA 16:9

Ka mia pinokomo'aiako mokulano api anu mongkokongiri, ka dompepaukiakono nee-Do Ue Ala anu pabawaio luwuno marasaia atuu ka nahi dontepidi ka dompelangkai Ira.

MENGKAAA 2:16

Onaemo pu'uno tepidimo! Tewala nahi kanandio, Aku koa ronga aiwa ndi omue ka Aku meteaako ira mompake ponai anu a nganga-Ku andio.

MENGKAAA 2:19

Kuto'orio luwuno inanggamu: moiko pompehohawamu maupo pompe'ala-alamu, moiko pompekakaakomu maupo pompedatomu. Kuto'orio, nine anggaamu anu pokotompa hadioopo sekono anu amba-ambano.

MENGKAAA 2:2

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!