MENGKAAA 2:3 - Wunta Mempori

³ Ka kongkomu mpiha sabara ka tebobarasai hangano nee-Ku; ka nahi uponto'ori mokendo.

MENGKAAA 2:3 ပူးပေါင်းရင်းမြစ်များ

Po'unde-unde 37:7

Pomperodomo ndi Ondae i Ue ka sikori Iramo; si bamburu a mia anu mehasili a laro ntumuwuno, a mia anu moweweu pompopo'oo.

Po'unde-unde 69:7

Si po'inee ira mia anu sumikori Komiu pinokoko'ii hangano ongkue, oo Ue, Ue Alano luwuakoano! Si po'inee ira mia anu umungke Komiu kona mokoko'iia hangano ongkue, oo Ue Alado to Isaraeli!

Mika 7:9

Aku tumembio tekuda-Do i Ue, hangano tehala akumo ndi Ondae, ranta ka Do'ungkeakono kara-karaku ka tumeahakono moleoa ndi ongkue. Ira wawa aku a mewantaano, ka kukitao moleo-Do.

I MARAKUSU 15:21

I tempo atuu telalo asa mia anu meneeako i Simo, to Kirene, amano i Alesande ka i Rupusi, anu da iaopo i hawe inso a inia susua, ka mia atuu domedadaio ka ipo'ahao keu pinotamba-Do i Yesu.

I LUKASI 14:27

Ba isema nahi po'ahao keu pinotambano ka itonda Aku, nahi ta polio gagi ana guru-Ku.

I LUKASI 18:1

Dopauako ira i Yesu aasa potundaano ka domento'orio ntu'u, nine asalakono ka dowela mpekakai si donte'osa.

I LUKASI 21:19

Tewala pompetea komiu mpiha, komiu mehaweo tuwumiu.”

I LUKASI 5:5

Sumangki i Simo, ”Guru, asa wongimo kimpopete'umala nahi kipompoko'ala hapa-hapa, sine hangano Omiu metena, aku koa tumendeo mbo'u buaniku.”

I LUKASI 8:15

Anu tedonta a wita anu moiko atuu onaemo mia, anu mansado merongeo pau atuu, menaao i laro aroado anu moiko ka mpoluarako wua a pompedatodo.”

I YOHANE 15:21

Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku.

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 16:12

Tabea ndi Teripena ka ndi Teriposa, anu mo'angga meteahako ntu'u a mpo'anggaa-Do i Ue. Tabea ndi Peresi, anu pinehohawaku, anu mo'anggaomo meteahako ntu'u a mpo'anggaa-Do i Ue.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 8:25

Sine tewala tompe'osaio hapa anu nahi tomengkitao, modato aroato mensikorio.

1 KORINTI 13:7

Ipeteao luwuakoano, me'ala-alao luwuakoano, mompe'osai luwuakoano, sabara tumembio luwuakoano.

1 KORINTI 16:16

Onaemo pu'uno imperorongeako ira mia anu kanandio ka sompo mia anu metonda mo'angga ka me'isei.

2 KORINTI 10:15

Nahi kimpehamba-hambaako anggaa anu wineweudo mia susua i wita mpo'anggaa anu nahi kimempinakosiako. Sine kimperorohio, nine tewala pompe'ala-alamiu koteti-tetiangino, kami mpohawe pompelangkai lalu langkai mbo'u i olomiu, tewala pinongkenaako saru wita po'anggaa anu kimempinakosiako.

2 KORINTI 11:23

Nde puu pompekakaako-Do i Kerisituu ondae atuuke? – mepau aku kana mia mekombe – lalua akupo mbo'u! Hadioopo pe'iseiku; mararuopo a laro torungku; sinepi komba da sa'uno; mararu ilawu mate.

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

2 KORINTI 4:16

Onaemo pu'uno ka nahi motewe aroamami, sine maupo koroi ntolinomami komara-marasaino, sine aroamami pinokowo'ohu sompo oleo.

2 KORINTI 5:9

Onaemo mbo'u pu'uno ka kimpeteahako, moiko kimpo'ia a ngkoroi andio, maupo kimpo'ia i bungkuno, ka Dopemoiko kami.

2 KORINTI 6:5

monsusuru kona nsepi, a laro torungku ka marisua, a mpe'iseia mo'angga, petangkoromo ka puasa;

GALATIA 6:2

Imemambetulungimo tumembio tinembimiu! Kanandiomo ime'ihiio songka-Do i Kerisituu.

GALATIA 6:9

Si tonte'osa mpoweweu moiko, hangano tewala haweomo tempono, kita mensowi, tewala komba gagi kita memolema.

PILIPI 2:16

saru mpe'ini a mpau tuwua, ka kupokompo'unde a oleo-Do i Kerisituu, nine komba nahina tuduno po'anggaku ka pe'iseiku.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

KOLOSE 1:11

ka mempinokorosoako luwuno roso hangano pabawano maramba-Do ka imoroso aroamiu ka mensabara mentembio luwuakoano,

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TESALONIKA 2:9

Hangano da impewowoloo, pepaekompo luwu-luwu, peteahakomami ka pe'iseimami. Mpo'angga kami meene wongi, ka si gagi pokonsusano isemamo koa i olomiu, kimempaleleo ndi omiu Lele Mawongkoa inso ndi Ondae Ue Ala.

1 TESALONIKA 5:12

Kime'emao ndi omiu, pepaekompoku luwu-luwu, ka impelangkai ira anu mpe'isei mpo'angga i olomiu, anu wawa komiu ndi Ondae i Ue ka anu kumuahako komiu;

2 TESALONIKA 3:13

Ka omiu, pepaekompo luwu-luwu, si mente'osa mpoweweu hapa anu moiko.

2 TESALONIKA 3:5

Po'ineeomo ka Dopo'aroo mpiha i Ue aroamiu a pompehohawa-Do Ue Ala ka a pompedato-Do i Kerisituu.

2 TESALONIKA 3:8

ka komba kimengkaano mpena rotido mia, sine mpeteahako kami ka mpe'isei meene wongi, ka si hina maupo isema anu pinokonsusamami i olomiu.

1 TIMOTIU 4:10

Onaemo pu'uno ka tompe'isei ka mpeteahako, hangano mpomperorohi kita ndi Ondae Ue Ala anu tuwu, Puu pongkaduduido luwuno mia, tamoako lahi ondae anu mpompe'ala-ala.

1 TIMOTIU 5:17

Luwuno penatua anu moiko ipetewawa tekona ipinelangkai meluka mpendua, tamoako ondae anu mpe'isei mpontutulu ka mpompaguru.

IBARANI 10:36

Hangano mpokere komiu pompedato, ka imehaweo hapa anu dinandi-Do atuu, umarimiu meweweuo po'ehe-Do Ue Ala.

IBARANI 12:1

Hangano ontae hadio sakosii, kana seru anu lumimbu kita, aiwamo ka tobintao luwuno tinembi ka hala anu tedoa rumerenggoti kita, ka tompo'asao mpiha aroato mpegolo a mpegoloa anu tomentinenaako.

IBARANI 13:13

Onaemo pu'uno aiwamo ka tomelako ndi Ondae i bungkuno pekemaa ka mentembio tekoko'ii-Do.

IBARANI 6:10

Hangano Ondae Ue Ala komba nahi Domoleo, ranta Ira kumolupeo inanggamiu ka pompehohawamiu anu pinopokitamiu te'aro a nee-Do hangano pompekakaakomiu a luwuno mia mempori, anu da imeweweuo hawe kanandio-andio.

IBARANI 6:12

ka si megagi mongguu, sine megagi anu tumonda ira anu hangano pompe'ala-ala ka pompedato mohawe tia a laro hapa anu dinandi-Do Ue Ala.

IBARANI 6:15

I Burahima sabara mesikori ka hangano kanandio ihaweo hapa anu dinandiako ndi onae.

2 PETURU 1:6

ka pompetea po'eheno koroi a ponto'ori, mokua a pompetea po'eheno koroi, ka moleoa a mokua,

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.