MENGKAAA 2:14 - Wunta Mempori

¹⁴ Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

MENGKAAA 2:14 ပူးပေါင်းရင်းမြစ်များ

Yesaya 57:14

Hinao anu mepau, ”Ungkahiomo, ungkahiomo, patindaomo sala. Tandeomo watu tetidua inso a nsalado bawaa-Ku!”

Yeremia 6:21

Onaemo pu'uno kanandiomo pau-Do i Ue: Mentee ntu'u, Aku monaa watu tetidua i arodo tongku andio, ka dontebangku tetiduako onaeno; moiko luwuno ama maupo luwuno nana'ote, saru mbo'u pehori raha ka walino, luwudo ira memate.”

Yehesikieli 3:20

Tempono mia mentee mepokule inso a menteeno, ka ipoweweu molengku, ka Kuponaakono watu tetidua i arono, onae ta mate. Tewala nahi upauakono ntu'u, onae ta mate a laro halano ka luwuno wineweu mentee anu wineweuno nahi ta rinambe, sine Aku tumuntuo reano ndi omue.

Yehesikieli 44:12

Dompekakaako iramo tongku i arodo luwuno lahumoado, ka a nsuku Isaraeli megagi iramo watu tetidua, anu dumontai ira a laro sala mpoweweu. Onaemo pu'uno, mesumpa Aku mongkona ondae, kanandiomo pau-Do Ue Ala, nine ira mentembio hukudo ondaedo.

Podoaa 24:14

Kanandio-andio aku lumako a tongkuku. Moikoomo kupauakomu hapa anu ta wineweudo tongku atuu a tongkumu lembuino.”

Podoaa 31:16

Komba luwuno beine andio ke, a mpatuduno i Bilea gagi pompu'uano to Isaraeli nahi dompetenunu ndi Ondae i Ue anu gagi ndi Peori, ranta kai petii pohuku umalu ira bawaa-Do i Ue.

Podoaa 31:8

Sangkadio luwuno mia anu mempinepate atuu, dompepateo mbo'u Mokole Ewi, i Rekemi, i Suri, i Huri ka i Reba, olima mokoledo to Midia. Ondae mbo'u mpepateakono ponai i Bilea anano i Beori.

I MATIU 18:7

Masolaomo wawontolino saru luwuno pompopo'oono: lano pompopo'oo asalakono hinao, sine masolaomo mia anu weweuo.

WINEWEUDO TINENA 15:29

asalakono ka ime'olaiakono kaanga anu pinesombaako a lahumoa, rea, bauno kondehora anu mate tetolonggeo ka pebelesua. Tewala impekariao koroimiu inso a luwuno andio, mpoweweu komiu moiko. Tompamo i ndi'ai, ka intekadudui.”

WINEWEUDO TINENA 21:25

Sine mongkona luwuno tongku susua, anu mpompe'ala-ala iramo, kimeburiako iramo luwuno pompakosimami, onaemo asalakono ka dome'olaiakono kaanga anu pinesombaako a lahumoa, rea, bauno kondehora anu mate tinolonggeo ka inso a pebelesua.”

ROMA 11:9

Ka i Daudi motae, ”Po'ineeomo kaanga pinatindado gagi oho ka pompete'umala, pompokotesaa ka pombaloa ndi ondae.

ROMA 14:13

Onaemo pu'uno siimo tomambebitara mbo'u! Sine moikoopo imentondao pohawe laro andio: Si toweweuo pepaekompoto ka itedonta ke tetidu!

ROMA 14:21

Laluopo omue si pongkaa bau ke mo'inu anggoro, ke hapamo koa anu gagi watu tetiduno pepaekompomu.

ROMA 9:32

Hapa pu'uno? Hangano to Isaraeli me'ungkeo komba hangano pompe'ala-ala, sine hangano wineweu. Mentetidu ira a watu tetidua,

1 KORINTI 1:23

sine omami mempalele Ira i Kerisituu anu pinaso a ngkeu pinotamba: a nto Yahudi aasa watu tetidua ka a mia komba to Yahudi aasa monge-mongea,

1 KORINTI 7:2

Sine tumangkoroo masolaa a mpebelesua, moikoopo sompo tama ka ihina beineno onaeno ka sompo beine ka ihina tamano onaeno.

IBARANI 13:4

Luwumiu imentuduo koa pekombiaa ka si mengkokoburutio poturia, hangano mia mebelesu ka mponsosabo Ondae Ue Ala bitara ira.

Yosua 24:9

Itempono atuu i Bala anano i Sipora, mokole to Moabi mpe'iwaliako ira to Isaraeli. Itena ira mia moboio i Bilea anano i Beori ka itotonaa komiu.

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.

MENGKAAA 2:4

Sine maupo kanandio Kutatako, hangano ubintaomo pompehohawamu anu amba-ambano.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.